【Ben Sir】文科注定乞食？　Ben Sir教你「低端人口」生存之道

文科人總喜歡自嘲讀「乞食科」「低端科」，Ben Sir就認為現今年代，文理科的分野愈來愈小，更主宰人生的是個人性格。
自稱slasher（身兼多職的人）的藝人/文人/KOL Ben Sir坐擁近10萬Facebook粉絲，還即將會開自己的talk show。
文科神人現在還有甚麼夢要追？

【點擊「全螢幕」觀看影片】

文科注定乞食？

「文科=乞食科」是歷久不衰的網絡話題，
有網民在討論區留言指：
「文科唔係三大真係食屎」
「教書之外，我都唔知自己可以做乜」。
人稱Ben Sir的中大中文系前高級講師歐陽偉豪
就笑說：「有得食好過無得食，
食咗先，跟住先爬上去食一啲冇咁臭嘅。」

Ben Sir指在功能主導的社會下，
文科必然較難「搵食」，
「商科理科會係解決社會問題嘅一啲科目，
醫生律師會計師工程師，
都係解決社會問題……
而文科文史哲，
我就睇唔到佢如何解決衣食住行嘅問題。」

但文科人是否就要認輸呢？

Ben Sir：最緊要知道如何為其他行業增值

文科既然先天不足，
想找到出路，
「就要問自己
你讀文科是否能為其他行業增值呢？」
讀文科不一定只有教書和研究兩個選擇。
Ben Sir舉例，
如果你公開試技巧好，
去做補習天王一樣可以賺得盆滿缽滿，
中文科補習天王林溢欣
就曾是Ben Sir的學生；
倘若言辭好、樣貌端莊，
又可以做新聞主播。
「我研究廣東話，
我開show，
無論有冇人睇，
都係為本地舞台、創作、
娛樂事業都增加啲啲價值。」

【8A狀元棄拔尖終做旅遊KOL　梁彥宗：香港有夢比追夢更難】

生活和追尋興趣並無衝突

大專時期修體育的Ben Sir
曾在小學任教體育老師，
但始終沒有放棄喜歡的語文科。
他半工讀完成中大文學士學位（主修英文），
其後再攻讀哲學碩士及博士學位。
「你理想嘅科目唔一定即時當刻去讀，
可以攤凍啲再讀。」

「你可以表面讀一啲隨波逐流嘅科目，
人人都話讀嗰啲好，
你咪去讀囉。
但背後只有你一個人嘅時候，
就拎返嗰個遊戲去玩啦，
例如想讀考古，
就喺背後鑽研考古。」

【月薪25萬？】中大law畢業做YouTuber　Auman：開心過做律師

文科人上車只是個傳說？

所謂「低端科」畢業的年輕人，
有望能安居樂業嗎？
Ben Sir大專畢業後3年，
就已經成功置業。
「都唔神啊，
畢業後就儲錢，
當時樓價一成，
90萬即係9萬。」
Ben Sir就與當時的女朋友，
亦即現在的妻子，
每人出5萬，
買了第一個安樂窩。

但提到現今樓價高企，
Ben Sir都慨歎年輕人的確會感到無力。
「年輕人對買樓好有無力感，
無力到你都唔敢討論買樓，
連買樓嘅詞都是敏感詞彙。」

Ben Sir認為想置業，
唯有繼續增值自己。
「你不如增值自己去報樓價高嘅仇，
我覺得咁樣都報得過。
你樓價愈升，
我自己報多幾個學位，
頂住個樓價高企。
繼續幫自己裝子彈、裝彈藥，
咁唔係幾好咩？」

【演員血淚】入行10年沒人識？　拍完場戲被製片話「冇預你食飯」

文科神人還有夢要追？

Ben Sir執教鞭逾20年，
2005首次出席電視節目擔任嘉賓，
教中文的風格生動幽默，
2016年起更有冠名電視節目，
開始活躍於演藝圈。
Ben Sir去年就告別校園，
成為全職藝人，
今月底，更會開talk show，
是否想成為下一個黃子華？

Ben Sir回應指：
「現在誤打誤撞入行，
如果想做深入一點，
我也想讀一些課程，
跟人學演戲，
因為我始終想做最佳男主角。」