【志明與春嬌8周年】每句難忘　勾起回憶的14句經典對白

幾乎每個80、90後男仔，都會覺得自己是張志明，「大唔透」又鍾意玩，這個角色就似大家心中的一個回憶，回憶心底裡的自己；而20多，接近3字頭的女生，則像余春嬌，去到想「settle down」的階段，不想再找一個長不大的男生。
《志明與春嬌》3步曲之中，包含了很多經典對白、場景，即使距離第一集上映時間已經8周年，仍然令人一再回味。

點擊「全螢幕」觀看短片

故事關於2007年1月1日
香港實施室內全面禁煙後，
煙民被逼從辦公室走至後巷抽煙，
因而發生的戀愛故事。
由於電影裡有大量粗口，
加上情節、場景亦非常貼地，
裡頭發生的故事，
就像圍繞大家身邊一樣。
《開罐》整合了3集《志明》，
列出14句經典金句。

《志明與春嬌》金句篇：

1. 其實重新去適應另外一個人呢係好攰㗎

在電影的初至中段，志明與春嬌的感情仍在萌芽階段，但春嬌當時還有一個男朋友（黃德斌）......

余春嬌（楊千嬅）：我唔想煩呀，唔想搞咁多嘢呀
其實重新去適應另外一個人呢，係好攰㗎
Isabel（陳逸寧）：係多個選擇呀！

2. 有啲嘢唔使一晚內就要做晒

志明與春嬌戀情發展迅速，他們很快便去九龍塘「漫春天」開房。
張志明（余文樂）：有啲嘢唔使一晚內就要做晒。
我哋又唔趕時間。

另看：【情人節你問我答】前度究竟有幾賤？　慘情男：佢畀帽我戴

3. 你介唔介意我大過你? 但我高過你

兩人都需要對方的肯定，這兩句既令人感動又深刻。

余春嬌（楊千嬅）：你介唔介意我大過你？
張志明（余文樂）：但我高過你！

《春嬌與志明》金句篇：

4. 空姐被非禮要經過3個步驟處理

張志明的廣告同事「公公」，說話亦非常啜核，
這一幕亦是張志明在機上遇到尚優優（楊冪飾）的開始。

公公（司徒慧焯）：空姐被非禮
要經過3個步驟處理……
即係話我們以前每次坐飛機
都白白浪費兩次摸空姐的機會！

5. 男人過咗羅湖就唔係人

方皓玟與男朋友冷戰，然後她訴苦時便爆出「男人過咗羅湖就唔係人」金句。

余春嬌（楊千嬅）：佢有冇搵你？
Patty（方皓玟）：搵？搵過第二個就有
男人過咗羅湖就唔係人

另看：【後悔的事】錯過的事太多？　90後：愛情好玩，但唔好玩愛情

6. 落老蘭一定要去埋翠華

這段說話道出一眾「喜愛夜蒲」的男生心聲，既有共鳴，又很惹笑。

公公（司徒慧焯）：好似我哋落老蘭咁，
一定要去埋翠華一樣，
頭先嗰度咁黑，又飲完酒，
好危險㗎，夾過來這邊照一照，聰明吧！

7. 一世人流流長 總會愛上幾個人渣

電影中非常經典的對白，出現在志明與春嬌兩人分手之後，
再在北京重逢後，春嬌同事說出的對白，
變成一眾年青人掛在口邊的潮語。

Isabel（陳逸寧）：出得嚟行，預咗㗎啦
一世人流流長，總會愛上幾個人渣。

8. 變咗另一個張志明

志明春嬌兩人即使在北京已各自找到另一半，
但依然繼續相約幽會，
這是他們相約在一個別墅時，
春嬌向志明說出的感覺，
但志明卻一面孩子氣，根本沒聽進耳。

余春嬌（楊千嬅）：我好努力去擺脫張志明
最後我發覺，
我都變咗另一個張志明。
張志明（余文樂）：不如一齊浸浴缸。
余春嬌（楊千嬅）：我同你講緊正經嘢
可唔可以唔好咁淫呀！

9. 我係好鍾意你
咁又點啫，唔work 呀嘛！

另一句耳熟能詳的金句，
一段感情不只有愛，還要說「work唔work」。

余春嬌（楊千嬅）：你成日話好多嘢唔使一晚做完
我想話畀你知，如果有啲嘢
如果唔一晚做晒的話，
呢世唔會有機會再做了。
我係好鍾意你，
咁又點啫，唔work呀嘛！

《春嬌救志明》金句篇：

10. 無謂做咗啲嘢或者無做乜嘢而破壞佢

張志明在第三集《春嬌救志明》有成熟一面，
非常適合各位男生袋著，以便不時之需。

張志明（余文樂）：我發覺兩個人要維持一段好的關係真不容易
無謂做咗啲嘢或者無做乜嘢而破壞佢

11. 因為你同我老竇係同一類人

有時父母的感情好與壞，
絕對會影響下一代的愛情觀。

余春嬌（楊千嬅）：我哋之間的問題，
不是因為我變了，
不是因為你年紀比我小，
係因為你同我老竇係同一類人。
喺最緊張關頭，
你就會犧牲所有嘢，
你就會成就你滿足你自己先呀！

12. 一個女人過咗35歲，就係想穩定落嚟

年齡絕對是愛情路上的必要考慮，
戲中楊千嬅便說出一句，
35歲便想穩定下來，不想再玩了。

余春嬌（楊千嬅）：一個女人過咗35歲
就係想穩定落嚟，
我覺得自己不用settle down，
我一個人都可以生活，
因為我唔想搵個男人
好似我老豆咁樣。

另看：【落街開訪】男女之間有純友誼？　大學生：唔好上床就得㗎啦

13. 我唔係想要一個長唔大嘅男仔

絕大多數的女生，
都想找一個成熟穩重，
而非一個孩子氣，長不大的男生。

余春嬌（楊千嬅）：張志明，其實我真係好鍾意你
同你一齊真係好開心，
其實我好簡單，
想做返個女人仔，
發生咩事，都會有一個男人企出來保護我，
我真係好需要，好需要安全感，
我不是想要一個長唔大的男仔。

14. 我想好好照顧佢
同佢一齊好好過日子

電影的尾聲，
志明春嬌經歷過數次離離合合之後，
張志明終於長大了，
更向余春嬌求婚。

張志明（余文樂）：原來一個男人不是需要一塊滑板或者一個達利
係需要一個我鍾意
我想好好照顧她
與她一齊好好過日子的女人