中學老師除了教書，還會為我們帶來不少歡樂，有網民在FACEBOOK發文，一人一句老師講過的廢話，當真句句都經典。
【收枱！】「依家開始測驗，收起啲枱面」，我諗老師太緊張，當咗學校係茶樓，叫人收枱。（網絡圖片） 【年年都咁講】「你哋係我教得最差嘅一屆」其實都市對屆屆都係咁講，唔信問問你師兄師弟。（網絡圖片） 【唱K型】「點解我聽唔到安靜」係咪因為你冇買碟呢？（網絡圖片） 【開公的秘密】「禮拜一突擊測驗！」呢個係一個非常哲學的問題，到底講埋畀你知，仲係唔係突擊？（網絡圖片） 【唔好逼我】「如果你唔記得，不如問下你自己」，老師，不如你一槍打死我算啦。（網絡圖片） 【新派數學】「你浪費咗30位同學1分鐘，即係浪費咗半個鐘」每一個同學都一定聽過，如果錢銀都可以咁計就好了。（網絡圖片） 【順風耳】「我喺樓梯口都聽到你哋班嘅聲」，你大我呀？（網絡圖片） 【玩嘢？】「攞張濕布抹乾張檯佢」我諗連全能的上帝都做唔到呢樣嘢，咁佢仲係唔係全能呢？好亂啊！（網絡圖片） 【生物老師】「乜食飯要用個口㗎咩？」問得呢個問題的老師，應該可以去教BIO，話時話HELLOKITTY點食飯呢？（網絡圖片） 【流氓師表】「你個女係學校講粗口，好L曳」阿SIR你都有返咁上下喎！（網絡圖片） 【腰馬合一】「咪嘈！全部同我坐起身，企喺度！」除咗坐空氣凳之外，我都諗唔到可以點做呢個姿勢。（網絡圖片） 【登高一呼】「上堂嘅上，唔想上嘅就同我出去」事主話結果全班80%走左出去，唔知上堂有冇法定人數呢？（網絡圖片） 【大不敬】「你哋唔好敬酒唔飲飲佛祖」完美擊中小編笑點，錯得來又好好笑。（網絡圖片） 【水行俠】「唔好整濕啲水」呢個又係一個哲學問題，到底本身已經係濕，仲可唔可以整濕佢？（網絡圖片） 【美術老師】「唔好著到五顏六色成隻班馬咁」呢位老師真係好有藝術細胞，有冇興趣同生物老師交流一下？（網絡圖片） 【EPIC】「冇返嘅同學舉手」講到口臭啦，不過老師總你覺得好風趣咁，講完又講。（網絡圖片） 【你試試？】「行路無聲㗎，你見邊個行路有聲？」不如你試試丫？（網絡圖片）