中學生活固然精彩，不過多少會留下遺憾。有連登巴打以「畀多次機會你回到中學生涯，你最想做咩」為題發文，你又會想做什麼？
【愛情篇】不少巴打話，中學時期有好多愛情遺憾，「想同暗戀咗好多年嘅鄰座表白」，其實小編又何嘗唔係，未試過着校服拍拖，真係人生一大憾事。（網絡圖片） 【努力讀書】有巴打話，唔好蹉跎光陰喺無謂嘅事上。特別係要讀好啲英文，努力讀3年書，換來40年安逸工作。假設能夠做40年就退休，咁就應該係全世界最高回報嘅投資，咁人生其實都有好多精彩嘢嘅。（網絡圖片） 【打學界】「專心打籃球校隊，贏返次學界冠軍」對於有運動細胞嘅朋友嚟講，打學界係一件大事。可能你之後都唔會走上運動員嘅路，但一班人一齊奮鬥嘅回憶會成為一世嘅寶物！ （網絡圖片） 【勿潛水】「last day唔好直接走咗去」我諗呢位巴打一定好後悔當年直接走人而冇影到相，有時回憶就係咁冇咗。（網絡圖片） 【運動篇】「陸運水運唔好逃避」有人覺得自己冇運動細胞，所以唔關自己事。其實陸運水運根本就唔係為輸贏，而係一班人一齊玩，一齊開心。你諗諗，其實一生人，只有6次陸運水運嘅機會……（網絡圖片） 【乖仔唔好學】「打班主任」呢個真係好痴線，大家唔好學。我反而想知點解有咁大仇口？（網絡圖片） 【再玩癲啲】「如果可以再嚟一次，我真係想同班朋友一齊玩癲啲，做嘢之後大家都愈嚟愈少聯絡，諗起以前成班on9由放lunch開始買料，放學之後偷偷地喺學校打邊爐，真係往事只能懷念。」（網絡圖片） 【勇敢啲！】「唔好怕柒，鍾意人就要勇敢啲嘗試，即使柒咗第時諗返起都會笑而唔係後悔點解當時乜都無做」冇錯啊，如果唔係都唔會有呢個POST嘅出現啦。（網絡圖片）