元朗輕鐵站出現山手線，引起網民熱烈討論，Cultupper Ray話你知，背後原因可能唔簡單。
近日有間公司宣傳產品時， 將元朗輕鐵站P成日本山手線， 我覺得香港， 係一個化不可能為可能的地方。（Union Hong Kong Facebook圖片） 美國荷里活係電影夢工場 我哋都唔失禮， 有荷里活廣場。（網絡圖片） 香港的culture就係溝， 你去鋸扒， 飲的羅宋湯係發源於烏克蘭， 加一件法式麵包， 來自美國的牛扒配意大利粉， 最後加一杯港式凍奶茶， 我哋生活在呢個溝之上， 簡稱on溝。（網絡圖片） 今日山手線出現喺元朗， 其實都係一種on溝的表現， 講得高檔一點， 係Crossover。 香港係國際大都會， 溝吓溝吓在所難免， 點先溝得來型而不柒？ 「我放了一塊牛扒入口， 細細咀嚼這個問題」（網絡圖片）