【拍拖要考牌#12】男友政見突變中大女崩潰:該分手嗎? 專家話⋯

撰文:
最後更新日期:

愛情求生手冊!情路上陷阱處處,一不留神激嬲男/女朋友,從此過著慘痛的生活。香港地豈止生仔、擔遮要考牌,《開罐》為各位愛情新牌仔,增加情場求生技。

📧 如果你遇上感情難題,可以email到opener@hk01.com,《拍拖要考牌》會邀請專家免費為你解答。 📧

《三流之路》劇照

政見不同鬧分手究竟應唔應該講分手?有中大社工系女生於 Facebook 專頁 CUHK Secrets 中發文指,與男朋友拍拖一年多,政見本來一樣,但不知為何近日男友立場突然大變,讓女生大呼:「我應唔應該同佢講分手?」

CUHK Secrets 截圖

故事峰迴路轉 ?!

在社工女生發文數天後,又出現一則「To 新亞社工女朋友」的帖文,指不想連累女友所以騙她自己政見突變,不少網民留言大呼發展峰迴路轉。

CUHK Secrets 截圖

《三流之路》劇照

前新聞主播兼HK Romance Dating極速約會公司創辦人黃嘉如 (Yubi) 指,在通訊發達,社交媒體極普及的年代, 大家留係自己「同溫層」愈耐,就會與持相反意見的人愈走愈遠, 無論那人是你朋友或情人。

Yubi指,如果情侶遇上政見不合, 先不要有要說服對方的想法,「政見同世界觀,就好似一個人嘅『冰山』, 你只能夠望到冰山嘅一部分,而冰山沉係水底嘅部分,即係我哋嘅過去,可能連當事人自己都唔認知對自己有深遠嘅影響。」

Yubi又說,「情侶政見突變,係因為咩事情而觸發到,實在不得而知。但如果你愛一個人,願意包容佢嘅過去,咁政見只係佢個人嘅一部分,仲有好多部分值得你愛同欣賞」,「真正的求同存異,係要學識從對方嘅相反意見中,仍然能夠找出可取同欣賞嘅地方,討論得政見其實都係對未來有寄望, 期盼社會變好嘅人。以此作出發點作討論,或者有更多建設性嘅想法可以畀到。」

▼▼▼▼點擊看化解矛盾小貼士▼▼▼▼

近期有不少網民在討論區留言指,情侶間因政見而爭吵甚至分手。有網民分享3個小方法,當遇到同另一半政見不同時可如何處理,又勉勵同行者「條路可能仲好長好長,有時都唔知會點行、可以點做。但真心希望有情人都可以一齊努力行落去」。

▼▼▼▼點擊看網民分享▼▼▼▼

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。