秀智生日偷步唱《當你沉睡時》OST 第9、10集變態跟蹤李鍾碩?

撰文:鄧樂宜
出版:更新:
秀智喺生日會上嘗試跳二倍速,不過喺冇音樂嘅情況下有啲難!(網上截圖)

尋日係國民初戀秀智嘅23歲生日,秀智就舉行生日會同粉絲一齊慶祝,一開場就唱出個人迷你專輯《Yes? No?》中的收錄曲《假裝幸福》(Pretend),仲應粉絲要求著住高踭鞋跳二倍速舞!

秀智嘅撒嬌好可愛呀!(網上截圖)

雖然呢晚係秀智嘅生日會,但似乎收到禮物嘅反而係粉絲,因為秀智完全有求必應,更大方展示最近主演劇集《當你沉睡時》入面的撒嬌!不過做完之後秀智就怕怕羞,大叫:「我唔要過生日喇!」除此之外,秀智仲「偷偷地」唱咗一小段未公開的《當你沉睡時》OST,呢首《I Love You Boy》今日下午才會公開,但尋晚粉絲就可以率先聽到秀智現場清唱,真係太幸福喇!

(觀看更多)

《當你沉睡時》秀智唔係廢青! 前職記者角色似《任意依戀》?

雖然《當你沉睡時》OST未公開,但秀智都清唱咗一小段俾粉絲聽!(網上截圖)
《當你沉睡時》OST《I Love You Boy》將會喺今日下午公開。(網上圖片)

另外,《當你沉睡時》今晚將播出第9、10集,劇組早上率先公開咗一小段片段,當中秀智坐喺café買定咖啡「捕」李鍾碩,估唔到李鍾碩其實一早就坐喺身後!李鍾碩忍唔住問:「你係跟蹤狂?你冇嘢做咩?」秀智竟然理直氣壯答:「係!冇嘢做!」唔知佢哋今集又會夢見點樣嘅未來呢?

(觀看更多)

《當你沉睡時》李鍾碩秀智夢中之吻! 收視反超河智苑《醫療船》

預告片段入面秀智一直等李鍾碩。(網上截圖)
李鍾碩忍唔住問:「你係跟蹤狂?」(網上截圖)
睇到秀智呢個撒嬌表情,真係幾嬲都融化!(網上截圖)

更多《當你沉睡時》劇照:

+14

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/