《當你沉睡時》李鍾碩秀智出現第三者 丁海寅亂入bromance爭宰璨
撰文：鄧樂宜
出版：更新：
幾乎在所有韓劇內，男女主角感情一旦升溫，都會出現第三者，而SBS韓劇《當你沉睡時》亦唔例外，李鍾碩同丁海寅一直都在「明爭暗鬥」搶秀智！不過聽日（10月18日）播出嘅第13、14集，李鍾碩同丁海寅竟然發展出「bromance」？媽呀《當你沉睡時》關係好亂呀！
丁海寅為制服兇手而身受重傷，不過喺《當你沉睡時》最新劇照入面，佢似乎已經冇大礙。（網上圖片）
秀智生日偷步唱《當你沉睡時》OST 第9、10集變態跟蹤李鍾碩？
上星期《當你沉睡時》講到，丁海寅同秀智遇上冷血兇手姜其永。姜其永刺傷丁海寅之後，更打算對秀智下毒手，幸好李鍾碩透過夢境預知秀智遇險，及時趕到阻止。《當你沉睡時》劇組今日就公開咗李鍾碩、秀智同丁海寅嘅新劇照，相中丁海寅從醫院病床上醒來，睇嚟傷勢已經冇大礙，李鍾碩對住丁海寅更露出燦爛又溫暖嘅笑容，兩人仲好親密咁攬埋一齊！唔知秀智見到呢一幕，會唔會呷醋呢？
李鍾碩同丁海寅喺《當你沉睡時》，竟然抱到咁實對望，好bromance呀！（網上圖片）
更多《當你沉睡時》李鍾碩、秀智圖片：
+10
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/