陳慧敏麥花臣開騷感激好朋友 「許廷鏗推咗個活動幫我做嘉賓」

撰文:
最後更新日期:

慧敏哥正式出道4年,終於一嘗開個人騷滋味。

由參加歌唱比賽、正式出道,至今仍是留着一頭清爽短髮的陳慧敏,在2013年正式加入樂壇後,每隔兩年也會推出專輯。雖然多人記得她的名字,但她的音樂卻沒有被高度關注,今年在偶然的機會下,終於有機會在香港首度舉行個人演唱會《我們叫傻瓜》。

正當每位歌手也紛紛搶在澳門開騷時,慧敏哥仍然不忘在香港開騷的目標:「其實今次演唱會並不在原本的計劃當中,因為我做音樂其實也是抱持着隨心的態度。因為愛,所以便去做,之前2015年曾經在澳門開過一次演唱會,也一直想在香港開一次。而今次11月1日剛巧旺角麥花臣有檔期,所以不計算太多,心口掛着勇字便去做了。大家也知道11、12月有不少歌手輪住開騷,可能今次也是有點冒險,不過對我來說,就像我的新歌《我們叫傻瓜》當中所說,我們為了生活花太多時間去變得精明及理性,也用了不少時間去計劃事情,但其實人生可以簡單一點、傻一點,因為想做而做一些旁人看起來瘋狂的事情。所以今次的演唱會,我知道有機會嚟就做。」

就像新歌《我們叫傻瓜》所說,慧敏哥是那種諗到便會去做的人。

作為歌手,歌迷的支持是相當重要,不過除了歌迷的支持外,朋友的力撐也令慧敏哥相當感動。一向在圈內朋友多的慧敏哥表示:「今次有好多朋友都會嚟支持我開騷,有幾個要特別去多謝。首先係小肥,因為有好多事情,包括由我出道做歌手到而家喺香港開騷,佢都有份促成,所以好多謝佢。然後係Alfred許廷鏗,大家都知佢忙㗎啦,但係佢知道我11月1號開演唱會,特登推咗一個活動嚟做我演唱會嘅嘉賓,我係好感激佢。仲有阿Mag林欣彤,佢係我嘅一個Soulmate,我直頭當咗佢係我香港嘅屋企人啦。坤哥(吳業坤)都好唔話得,一聽到我開演唱會,就已經幫我包咗10張飛嚟睇。」陳慧敏的音樂會門票最貴雖然也只售$580,但大大話話10張飛,就已經近6千元了。

巨聲幫出身的慧敏哥,得到很多同期好友支持,坤哥更一口氣為她包下10張門票。

作為澳門演藝人副會長,大家可能會以為陳慧敏位高權重,可以幫到自己又幫到其他澳門藝人。不過慧敏哥直言:「我自問自己嘅影響力未夠好,未可以幫到其他澳門歌手啲咩。不過大家可以一齊有多啲唔同嘅搞作,例如嚟緊10月27號都會有個《港澳零距離》嘅音樂會喺香港舉行。」其實之前慧敏哥亦有試過跟澳門的音樂人合作,對網民來說,早幾個月她與排長合作在網上發布的《兒歌Medley》深信是較受歡迎的作品,慧敏哥亦表示:「網上嘅音樂都有機會再做,隨心咁做囉,因為唔想知道某一類型嘅作品受歡迎,就刻意去取悅其他人。以前啱啱開始做歌手嘅時候,會有個時間表俾自己,幾時要做到啲咩成績出嚟,但係做咗幾年,已經冇咗呢種包袱,反而每日踏實做好要做嘅事情就足夠。當然心入面都會希望可以開啲比較大型嘅音樂會,喺港澳地區以外,可以去多啲唔同嘅Live House表演。」

對歌手來說,或許一支結他一個喇叭便可以唱歌。不過慧敏哥仍希望香港能有多一點Live House場地,讓歌手有更多演出平台。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。