張學友2019舉行演唱會香港站公布 尾站個唱又要出力趕黃牛？
撰文：洪曉璇
出版：更新：
張學友第157場世界巡迴演唱會，呢日終於喺台北小巨蛋圓滿落幕，滿場又唱又跳，”驚天一劈”的一字馬表演更是high翻全場！不但加唱經典歌曲《想和你去吹吹風》，6場不同的即興清唱橋段更是每場歌迷們津津樂道的幸運經典彩蛋。歌神仲喺慶功宴上正式宣布：「2019年1月香港站終於申請到了。」大家又係時候準備撲飛啦﹗
張學友一連6場台灣站演出圓滿落幕。
+3
台北站一連六場演唱會，學友使出混身解數，又唱又跳毫不喘氣，點睇都唔似56歲﹗尾場睇騷嘉賓陣容都相當誇張，昆凌上載呢張後台合照，已經有梁朝偉、劉嘉玲、邱淑貞、曾志偉、杜德偉夫婦等由香港飛到台北捧場，加上周杰倫同昆凌等，星級陣容猶如頒獎禮紅地氈一樣。張學友表示，「來到小巨蛋感動特別多，可是演唱會總是要結束的，我已盡力，所以留在回憶裡都是美好的，謝謝台灣的朋友們！」
呢個睇騷陣容真係好誇張。（昆凌IG）
+1
網上不時傳出學友隨時唔再唱，多次傳出佢開騷消息攪到唱片公司不停要澄清，呢次終於等到歌神親自回應啦：「原本就預計巡演最終場要辦在香港，但從暑假延到11月，後來又順延，現在終於申請到了，可以正式跟大家宣布，張學友的巡迴演唱會，會在2019年1月結束」學友喺香港最高紀錄係1995年世紀巡迴演唱會開34場，唔知呢次回歸紅館佢又會開幾多場呢？
慶功宴上學友親認19年1月會唱到返香港啦。