張敬軒暫別樂壇去讀書? 英皇:會去美國進修音樂

撰文:
最後更新日期:

瓊姐今日出post話軒仔暫別樂壇,嚇親唔少fans。

張敬軒與王菀之開完4場紅館演唱會後,今日KOL瓊姐就出Post指張敬軒宣布短暫暫別樂壇,話要去讀一讀書,鑽研一下古典音樂。此文一出,就令軒仔fans十分驚訝,似乎接受唔到,不禁留言問:「幾時講㗎????」瓊姐就即時回覆:「演唱會上講嘅。」其後都有睇過演唱會的fans留言都仲記得軒仔講過類似說話:「當時軒仔話:『離開一陣,想好似Ivana咁有古典音樂底子』,但就冇諗過咁大獲。」不過,最令人關心的就是張敬軒暫別樂壇,「降兩度」演唱會點算呢?瓊姐都留言表示:「應該唔會走數嘅 #雖然佢有個朵叫走數軒

咁大件事,《香港01》就向過張敬軒的唱片公司英皇娛樂求證,亦有所回應。張敬軒在第二場有相關的言論,但意思他會去進修。英皇表示軒仔的確將會到美國進修唱歌及跳舞,而平時張敬軒都會不停去進修,增值自己,至於會否暫別樂壇,據了解軒仔都未有類似想法,就算去進修都不會放低音樂事業。即是說軒仔進修歸進修,都可以keep住同步做歌,看來今次只是虛驚一場。

英皇就話軒仔一直以來都有不斷進修。(Instagram圖片)

軒仔今次進修想好似ivana咁有古典音樂底子(Instagram圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。