李克勤匿TVB停車場捱眼瞓寫《紅日》:咁經典連金曲都未攞過!

撰文:
最後更新日期:

新一輩樂迷可能只會取笑李克勤做「送禮勤」,其實李克勤都是一個吃過苦,捱出頭的一位歌手。入行時有很多關注,但星途並不是一帆風順,曾經歷過低潮,但李克勤其實在音樂上也送了不少「好禮」給一些長期病患者,其中一首就是由他親自填詞的代表作,勵志歌《紅日》,甚至唱哭癌症病人。

勵志歌《紅日》是李克勤代表作之一,陪了不少人成長,歌曲自1992年發行,到現在唱到街知巷聞,成為各大周年晚宴的熱門歌,想炒熱氣氛?《紅日》是不二之選。歌詞正面易記,能夠掀起全場大合唱的效果,但此歌曲除了可以「搞氣氛」外,對一些長期受到疾病煎熬的病人來說,也可以帶來一種治瘉作用。音樂治療師鍾敬文表示:「我個小組會接觸中風,患癌嘅病人比較多,《紅日》哩首歌可以畀到佢哋希望,同勉勵,喺我小組入面都會多唱。我試過在小組同病人一齊唱《紅日》嘅時候,有位病人因為唱哩首歌所以喊,原因係因為哩首歌旋律快,歌詞勵志,會令人諗起佢地嘅經歷。我亦見過有患癌病人唱哩首歌去勉勵佢身邊嘅人。」

李克勤的《紅日》陪著不少人成長(黃國立攝。)

喺我某一年嘅演唱會入面,唱某隻歌唱得唔好,我自己唔滿意,當去到中途換衫嘅時候,我就同演唱會監製要求接住上台唱《紅日》,因為自己表現唔好,好想轉歌幫自己打氣。」

李克勤身在日本與家人旅行也不忘回應提問。(fb圖片)

李克勤接受《香港01》音樂組Bingo史順宜的訪問時,問到有關《紅日》有心靈治癒效果時,李克勤表示:「哩首歌可以幫到人打氣我當然好開心啦,我當時寫哩首歌嘅時候真係無諗過可以幫到咁多人,我知道哩個消息我自己覺得好榮幸。《紅日》哩首歌係我當時同袁詠儀拍TVB電視劇《他來自天堂》嘅主題曲。當時拍哩套劇拍到半夜兩三點鐘,除咗拍劇,我仲要交歌(主題曲),所以當拍完嘅時候,我就匿咗喺TVB露天停車場嗰到寫歌詞。我當時真係好眼瞓,眼見當時嘅TVB工作人員收工,其他廠嘅演員都收工,連停車場都無咩車,咁我就寫寫寫,寫到天光,見到其他演員都翻工,所以當時我就想寫哩首歌幫自己打氣,估唔到哩首歌出咗之後幫到咁多人打氣,我甚至知道喺西藏偏遠地區嘅人學唱《紅日》哩首歌為自己打氣。」

李克勤入行30年,但睇佢啲生活照,其實同首歌一樣,《一生不變》!
+3
+2

李克勤補充:「《紅日》哩隻碟係我當時離開寶麗金唱片嘅最後一隻碟,因為當時轉去星光唱片嘅轉接期,無咩宣傳,反而哩首歌係咁嘅情況下成為我其中之一嘅經典金曲,但哩首歌咁經典竟然連十大勁歌金曲都未攞過。」克勤感到有點無奈。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。