晚市禁堂食|太子文青Cafe推外賣三餸飯送飲品！自選即炒車仔意粉

【太子美食】晚市禁堂食，多間餐廳紛紛轉推外賣餐，太子一間人氣文青Cafe更大改風格，變陣推出外賣車仔意粉及3餸飯，供應多款家常菜式！3餸飯大受歡迎，推出首天更提早售罄！

以藍白青花瓷為主調的太子人氣文青Cafe，樓高兩層，主打中西合壁的Fusion菜，亦有多款菜式名極具創意的甜品及飲品，如雜果 Yogurt Bowl「水清沙幼使乜坐飛機」、特飲「呃我陳皮哥唔食荔枝醬」等，賣相及味道都一流。

不過因為政府近日收緊防疫措施，再次禁晚市堂食，導致本港多間食肆生意大受打擊，連這間人氣Cafe都要一改原有風格，變陣推出港式三餸外賣飯盒！

可以選擇兩餸飯或三餸飯，供應菜式有魚香茄子、番茄洋蔥豬扒、XO醬西芹炒豬頸肉、粟米斑塊、蝦仁炒蛋、蒜炒時菜等，買飯盒更送飲品包括荔枝梳打、蘋果梳打等，推出第一日就迅速售罄！

另外亦有即炒車仔意粉套餐，可以自選香草、黑松露或番茄醬，再自行選配鮮蝦、雞柳或雜菌，套餐亦跟配一杯飲品。晚市外賣由下午5時半起買得到，至於餐廳恆常菜單，平日供應至下午4時半，周末就供應至晚上6時。

青花亭
地址：太子荔枝角道113號五華樓地舖
電話：3590 3457