公主病港男影樓拍照要求員工幫手貼鞋底　港人難忍網上訴：食屎啦

公主病點止港女有？近日有香港網絡掀起熱話，有一名男子光顧葵涌一影樓「Right Time Right Place」，影樓要求顧客遵守規定，在進入影樓時需脫鞋或貼上鞋膠。惟該男子反應實在太離奇，引起不少網民熱議。

公主病港男影樓拍照要求員工幫手貼鞋底　疑似店員網上訴：食屎啦

據在場網民透露，該男子在得悉影樓要求後，回應指待會拍照將會穿上同樣鞋子，因而拒絕妥協內進，並向店員表示：「咁你痴（黐）啦，呢啲粗重嘢我唔會做，我公主嚟㗎」。

影樓職員當時禮貌協助男子貼上鞋膠，惟拍照過程中，該男子曾進出房間，職員根據影樓規定，再次要求男子再次貼上鞋膠，卻遭到男子拒絕。在場網民指，當時男子表示：「要痴（黐）嘅話就叫職員再幫佢痴多次」。

在場網民表示當下實在看不過眼，因而出頭表示「其實痴鞋膠，係要自己痴翻，係好正常嘅事，人哋已經幫你痴咗一次」。而港男回應卻讓網民看不過眼：

你係職員啊？你做咩出聲？你幫我癡（黐）囉

係㗎喇，我係咁潑婦罵街㗎喇，點解要我做啲粗重嘢？要癡（黐）多次鞋膠，我唔會痴（黐）㗎喇

港男隨後更當眾致電影樓老闆大聲控訴，內容包括：「唔識痴（黐）鞋膠，然後叫我去學？即係我依架俾錢租影樓，仲要學多樣野？仲要我自己落手去整？呢啲粗重嘢我係唔會做」，最終成功要求以付費換來在場員幫手痴（黐）鞋膠，讓在場網民感嘆：「職員小妹妹又默默咁幫個大男人痴鞋膠」，相當無奈。

在場網民在貼文中又指：「大佬啊男人老狗唔好話自己係公主啦，真係聽到都想嘔，痴（黐）返自己對鞋嘅鞋膠，係自己嘅分內事OK？」，並強烈指控該名男子：「人哋幫你痴（黐）係人情，唔幫你痴（黐）係道理」。

事件被網民瘋傳，該男子被網民大鬧「規矩都唔識遵守，學咩人去影樓，街邊影咪得囉」、「佢呢啲唔係公主病、係發雞瘟」、「呢隻友唔係流㗎喎，佢堅真心膠㗎喎！」，亦有網民指難以理解影樓「貼上鞋貼」的規定。

事件在網路上不斷醞釀，影樓「Right Time Right Place」隨後發帖回應，指相關事件引起廣泛網民關注，據了解，相關員工因港男態度而「委屈哭泣」。惟因應防疫措施，「小店仝人對衛生要求嚴謹。店內場景亦放置甚多布藝裝飾地面」，強調影樓為「保持整潔，若客人需要穿著鞋子作拍攝，會要求客人在鞋底貼上鞋貼」，並附圖教導網民貼鞋方法，希望網民能夠理解。