寒酸港男想用1千元買名牌袋贈女友 網民笑唔夠做：淘寶A貨都唔得
撰文：奶蓋弟弟
出版：更新：
最近有港男在網上抱怨，指常被女友罵寒酸，今年決心「豪一次」，用$1,000買名牌手袋贈女友，並向網民取經求推介，不過網民則指$1,000根本「唔夠做」，直言「睇得出你好寒酸」，更稱「淘寶A貨都唔得（買不起）」，並好心推介買「I牌」及「M牌」手袋作罷！
寒酸港男想用1千元買名牌袋贈女友 網民笑唔夠做：淘寶A貨都唔得
（圖片來源：TVB《多功能老婆》劇照）
港男於「巴打絲打00九吹專區」發文，稱一直被女友指責好寒酸，繼而決定今年「豪一次」，要買一個名牌袋送贈給女友，預算$1,000，並詢問網民們有沒有好介紹。
（圖片來源：Facebook群組「巴打絲打00九吹專區」）
有網民見到預算得僅僅$1,000，即刻留言質疑「其實你係咪打少2個0呢？」，直言「$1,000就唔係名牌喇，加多一個0都唔夠啦，孤寒鬼」。更有網民笑稱「去唔到羅湖城」、「淘寶A貨都唔得」。
有網民認為港男首先應了解名牌定義，先了解市場定價再設定預算：「曾經有人話我追名牌，但我衫褲鞋都係著住Tick號，個一刻我知道左原來各大運動品牌都係名牌」。
網民在留言中羅列出傳統名牌名稱，例如Gucci、CHANEL、Louis Vuitton（LV）等，指出以上品牌「閒閒地」都要過萬，對港男而言應該「嚴重Over Budget（超出預算）」。網民們齊齊建議要買「I牌」及「M牌」——IKEA藍色環保購物袋及MUJI不織布袋，都算有牌子；或者直接買紅白藍膠袋或者買菜籃，甚至買名牌紙袋，$1,000夠買好幾百個，笑稱「女朋友一定開心」。
其實小資族想買個「見得下人」的手袋款式，其實不算難。較為知名的品牌有CHARLES & KEITH（小CK）、longchamp ，還有Urban Stranger都算是個好選擇。亦有網民建議可以留意Outlet開倉優惠，Jimmy Choo、vivienne westwood等品牌商品都不時以優惠價格發售，送禮物亦不覺失禮。