港男自己去食壽司郎 一個鐘食42碟埋單818蚊 威猛戰績震攝網民
撰文：奶蓋弟弟
出版：更新：
連鎖壽司店壽司郎進駐香港後備受市民喜愛，每逢開分店都惹來排隊熱潮，餐廳為人流管理，限制入內後至多只可以食1小時。不過1小時卻無礙真粉絲的愛——有網民在Facebook群組「香港壽司刺身關注組」上載相片，表示自己獨食壽司郎，食成42碟，埋單要成818，威猛戰績震攝不少網民！
港男自己去食壽司郎 一個鐘食42碟埋單818蚊 威猛戰績震攝網民
網民（下稱事主）在Facebook群組「香港壽司刺身關注組」上載相片，相片內可見42碟壽司碟，按照顏色齊齊整整堆疊起來：$12紅色碟共15碟、$17銀色碟共13碟、$22金色碟共5碟、$27元黑色碟共8碟、$17元五角白碟共1碟，埋單連加一合共818元，戰績相當威猛！
（圖片來源：香港壽司刺身關注組）
威猛戰績震攝網民，亦引來熱烈討論。有網民見到即刻嚇親：「你有幾多日無食飯」，直接封他為「真正嘅壽司『狼』」。
壽司郎是日本知名連鎖迴轉壽司店。（圖片來源：日本壽司郎）
有網民則話一個鐘內食咁多：「同時間競賽，食咗乜都唔知」、「八舊幾，補少少錢食『阿媽家姐（Omakase）』好過」；亦有網民擔心事主健康，留言話「一次過食咁多飯血糖會超高/有壓力」。