兩餸飯｜中環新開兩餸飯$25起 10多款餸任揀！網民：唔使再捱貴飯

【兩餸飯】中環都買到抵食$25兩餸飯！連鎖兩餸飯店進駐中環，$25起就可以買到足料大份兩餸飯，仲有逾10款菜式任揀，吸引不少打工仔排隊幫襯！

兩餸飯以平價抵食見稱，菜式選擇多而且有肉有菜，平均20至30元左右可埋單，至今仍有不少支持者，更繼續越開越多！連鎖兩餸飯店「岱民」近日進駐中環，兩餸飯維持每盒$25起，打工仔又多一個抵食選擇！

岱民在全港多處包括灣仔、西環、荃灣、觀塘等地都有分店，日前更開到物價一向偏高的中環區！最平兩餸飯盒$25起，三餸飯亦只需$30起，非常抵食！款式包括生炒骨、薯仔雞翼、椒鹽豬扒、腩肉椰菜、咕嚕肉等，一般都有10多款肉類、魚類或菜類選擇，而且份量非常充足！

👉👉👉好食玩飛Instagram官方帳號開咗啦！請Follow我哋：https://bit.ly/38tlS4l

DJ兼歌手何嘉麗亦都有去幫襯，午市時間店舖大排長龍，要等約20分鐘才買到，但她亦大讚飯盒熱辣辣又抵食！不少網民都評價菜式味道中規中距，但以20、30元一頓飯而言，算是中環平價好選擇！

平價兩餸飯在中環開店對打工仔而言更是「糧尾恩物」，有網民指「終於有25蚊飯食」、「唔使再捱中環五六十蚊一個又難食嘅lunch」、「顛覆咗喺中環打工開支重皮嘅定律」。

岱民中環店

地址：中環嘉咸街7號