職員爆料餐廳廚房7件噁心事 壞雪櫃致魚生惡臭+垃圾桶廚餘照上菜!
撰文：奶蓋弟弟
出版：更新：
所謂「無知是福」，有餐廳廚房職員在LIHKG討論區爆料，曾經因壞雪櫃致魚生惡臭，亦有垃圾桶廚餘照上菜，聽聞後分分鐘對外出食飯心生恐懼，寧願自己下廚就算數！
職員爆料餐廳廚房7件噁心事 壞雪櫃致魚生惡臭+垃圾桶廚餘照上菜!
（圖片來源：Unsplash@louishansel）
有網民於LIHKG討論區內以「一人一個做過廚房既噁心回憶」為題發文討論，首先樓主自行拋磚引玉，提及以往曾於某間已結業的壽司店內工作，「試過雪櫃壞咗三日，第二朝拎返啲三文魚出嚟，上面生哂蟲之餘仲有嗰浸比死屍還臭嘅味，搞到以後有陰影唔食魚生」。若非段落內提及「好彩老細算有良心無轉火炙三文魚壽司，全部掉哂佢」，不然其他網民看完一定相當驚恐！
好食玩飛Instagram官方帳號開咗啦！請Follow我哋：https://bit.ly/38tlS4l
（Unspalsh@viniciusbenedit）
然而這個留言還不算最恐怖。有一個疑似餐廳太子爺留言，爆炸發言：「以前家人開茶記，臨近收檔有客人嗌麻婆豆腐飯，因為豆腐易壞又平，一般都掉咗佢唔過夜，師傅喺大口仔（垃圾桶）度拎返嚿豆腐，沖沖水，加啲辣醬、蒜頭辟味畀個客」，聽聞之後實在令人對餐廳廚房失去信心！
（圖片來源：Unsplash@shermankcm）
除此之外，亦有好多恐怖噁心經歷，包括「啲漢堡肉跌落地濕哂照拎去煎」、「成隻老鼠係炸煱撈出嚟，唔知死咗幾耐」、「經理拎左枝萬潔靈係廚房周圍噴，完全無諗過會揮發落啲食物度」、「汽水機 = 曱甴屋，每次洗機都清到成個族群出嚟」。
（圖片來源：Unsplash@kantea）
原來餐廳有這麼多噁心事，實在令人好震驚，聽聞後分分鐘對外出食飯心生恐懼，寧願自己下廚就算數。不過其實現時，尤其在疫情期間，餐廳對衛生環境要求越漸嚴謹，而且在適當監管下，相信已經有所改變！大家又如何看待這些經歷呢？