Carousell拍賣靚女食過嘅二手飯 粒粒蘸汁即日交收 定價直飆3位數
撰文：莉Ban娜
出版：更新：
二手飯都有市場？香港二手拍賣平台Carousell上，最近出現了一件名為「靚女二手飯」的商品，更標榜可即日交收。至於這些「二手飯」賣幾錢，平見$35/份，最貴竟然賣到3位數字，認真誇張！
Carousell拍賣靚女食過嘅二手飯 粒粒蘸汁即日交收 定價直飆3位數
好食玩飛Instagram官方帳號開咗喇！請Follow我哋：https://bit.ly/38tlS4l
（圖片來源：unsplash@Pablo Merchán Montes）
香港知名二手拍賣平台Carousell近日出現一樣名為「靚女食唔晒嘅飯」的商品，附圖見到居然在售賣「靚女」食剩的飯，定價居然達到$200，又稱可即日交收，但交收地點顯示為「金戈戈香港豉油鸡（金戈戈香港豉油雞）」。記者點擊標註地點後，發現位於深圳位置，莫非想買要先過關？
由圖片可見，售價需$200的「二手飯」只剩零星一口飯，粒粒蘸汁，記者目測是豉油；另外還有一碗阿木牛肉麵的番茄湯底，湯汁望落更濃郁，價錢卻遠遠平過「靚女食唔晒嘅飯」，定價只需要$35，同樣聲稱被靚女食過：「靚女食左兩啖，有大量牛肉 90%new」，似乎相對「化算」。
讓這些「二手飯」有價有市，全憑一句「靚女」。究竟是否靚女食過呢？記者以數個Carousell帳號，使用內建私訊功能向賣家查詢，詢問商品定價方法、交收方法，以及「靚女」相片，至截稿為止均未獲賣家回覆。