你還說第一集稍嫌平淡？來到第二集，高潮迭起。有海戰有角色死亡有醫療行動有全裸性愛還有前後呼應的感人位。不過，我覺得全集精華盡在一開場的五、六分鐘文戲。如果《權力遊戲》（Game of Thrones）是齣電影，我會強烈建議你當去看《鄧寇克大行動》（Dunkirk）一樣，一秒也不要遲到。不過，我相信大家也是點播，就只好很老派地建議各位不要眨眼。

一開場，Daenerys 召開大會，一眾下屬商議如何圍攻 Cersei。未傾戰術，先交心。矛頭直指 Lord Varys。Daenerys 說什麼？好簡單，恐嚇 Varys：

「你呢個牆頭草，本來跟我老豆，跟跟吓，走去幫做反嘅 Robert Baratheon；明知我阿哥廢，你又暗中幫拖；仲派人想隊冧我？你呢啲反骨仔，要我信你？」

好一個 Lord Varys，不慌不忙，眼見丞相 Tyrion 幫口無用，仍然怒啤女王：

「我反你老豆，因為你老豆真係衰過 King Robert。我之前想殺你，係奉命行事，我連你係邊位都未知，只係聽聞你好靚女。家陣唔同，家陣我信你係人民救星。如果你唔信我，你可以殺死我；如果你信我，我保證我會出盡全力推你上寶座。不過，如果你需要一個愚忠，就唔該過主，我係向人民效忠嘅，而家係我揀你。」

Daenerys 還有什麼好說？只好鼓勵 Lord Varys 在將來批評自己，但要對方發誓永不背叛，算攞個尾彩。

《權力遊戲》將會在下一季終極結局，我很好奇可以點結局，肯定不會是好心有好報式教育電視。你看 Jon Snow 隨隨便便便將權力下放給野心勃勃的 Sansa，就知道，即使 Jon Snow 最後權傾七國，當其他附屬缺乏守衛家園或報仇雪恨的情緒去一呼而上，以 Jon Snow 的忠直，只會輕易給身邊的親信好友出賣，就似 King Robert 的下場。

如果是合情合理地由 Daenerys 復辟皇朝呢？看她給 Olenna 指點兩句，要小心提防 Tyrion 功高蓋主，就立即顯現一個恍然大悟的表情，也可以肯定她就算不似父親 Mad King 為變態而變態，但為保障自己權位，也會似明朝開國皇帝朱元璋，會狠心將幫過自己大忙的忠臣逐一殺害。Lord Varys 誠實地在獨裁君主面前形容自己為人民服務，唉，參照鄰國經驗，我已經想像到他的下場，將會有幾悲慘。

《權力遊戲》的世界，根本就是我們身處的現實世界嘛。

（文章純屬作者意見，不代表香港01立場。）