據說中環白領 lunch time 食完飯，仲會「剩下 45 分鐘」，於是，充滿創作力同幻想的梁特首，於網誌提出完全唔離地的建議：「中環的上班族，中午吃個簡單午餐，剩下 45 分鐘，坐在岸邊釣魚，是很好的鬆弛辦法。」

咁都唔離地？冷靜，要知道離地乃相對概念，讓我們先欣賞特首另一精彩建議：「如果可以在 IFC 一帶，建現代化的岸邊泳棚，午飯後游 20 分鐘，是去 gym 以外的好選擇。」聽過直奔太空的「游水論」，自然知道「釣魚論」有多麼腳踏實地。

勇敢在面書分享此偉論後，梁特成功在短短兩小時內吸引 4,000 人按「Like」……對面嗰個「Angry」；拯溺員工會的郭紹傑亦忍唔住指出，食飽唔好游水是常識吧。近日連 BBC 的網站都報道了此事，真正蜚聲國際。

延伸行動

游水可免，但返公司「釣魚」則無妨。