林頴彤加入星夢做吳若希接班人 又係何哲圖賞識:唔會辜負佢! 

撰文:郭敏玲
出版:更新:
林頴彤在微博宣布加入星夢做歌手。

講起星夢,就會想起許廷鏗(過去式)、吳若希、鄭俊弘、胡鴻鈞等人。不過最近又再新添一員,去年在《城寨英雄》飾演鑫鑫一角而人氣急升的林頴彤,昨日就在微博宣布將加入星夢,由童星做到現在有14年的她,有機會做歌手唱歌。她在微博講:「衷心感謝老闆Herman給我機會去追夢,感謝你相信我潛在嘅可能性,給我信心,帶領着我走未來的路。我亦相信自己!珍惜得來不易的機會,用行動來證明給大家看。未來會有一個全新的我,逐漸呈現於大家眼前,多謝過去每一位幫過我的人,還有一班默默支持我的你們️!我不會辜負大家的愛錫與期望,新的一頁,感恩。」

林頴彤一直都受網民歡迎。(網上圖片)

記者聯絡到林頴彤,她直言簽星夢這個決定下得很快:「其實同Ben Sir開show嘅時候,就有機會接觸到Herman(星夢老闆何哲圖),之後大家都有見過面傾過,他就覺得我有潛質同可能性在唱歌這一方面,是有方向適合我有更多的發展,都好開心可以得到他的賞識,所以都好快下了這個決定,加入星夢。日後都會有機會做歌呀,同時都會繼續在綜藝、劇集各方面發展。希望做藝人都可以有進步空間,所以會繼續努力,不會辜負Herman對我的信任。」

+8

林頴彤加入星夢,大家關心她會否取代一姐吳若希的地位。她謙虛地說:「Jinny 係我師姐嚟嘅,仲有hana(菊梓喬)、譚嘉儀等等,所以我要跟佢哋學嘢,唔會諗其他嘢,反而真心想做好公司安排比我嘅工作先!」野心在工作上,什麼地位、一唔一姐都不太重要。另外,好多人都會覺得驚喜,因為一直多拍劇的林頴彤竟然要唱歌,她笑高:「其實我都係參加比賽入行嗰時才藝都係揀唱歌,所以對唱歌都好有興趣,都好希望之後可以有屬於自己嘅歌。」林頴彤為準備做歌手,知道公司同事好多都好唱得,現有向歌唱老師學唱歌,詳情之後會再公布。