打尖不文明，打針得喇啩？

話說微信有位「教養女王」，發表了一篇《毒疫苗防不勝防，帶孩子去香港打疫苗全攻略》，話已有好多內地家長「利用遊玩」，「順便」帶細路來港打針，又詳列向母嬰院預約、去私家打「五合一 / 六合一」，以及打針前後六大步驟等實用教學，認真好介紹，香港多謝你。

但老實，愛護子女健康都算無可厚非，要怪其實就怪真正嘅罪魁禍首吧，又名「山東黑心疫苗」。

疫苗都有分黑心定善良？係講緊賣疫苗個人黑心。據報道，一對母女為圖暴利，涉嫌將未經嚴格冷藏、不合規格嘅疫苗，通過層層下線，狂賣至全國 24 個省市，涉案金額高達 5 億幾人仔，規模絕對唔細，亦難怪啲父母驚驚。

延伸行動

錫仔女之餘，都要錫錫自己，一場嚟到，「順便」打埋宮頸疫苗啦不如。呀sor，睇真啲，原來呢樣嘢「教養女王」篇鴻文已教埋！