YouTuber波仔夥家姐拍出真摰姐弟情 家姐哽咽：好自豪有呢個細佬
兄弟姊妹是甚麼？是家人？是責任？弟弟波仔和其姐姐，則認為對方是自己的靈魂伴侶。他們互相了解、互相扶持、也互相學習。如此親密的一對姊弟，成長過程是怎樣的？是自出生起投契？還是有用心維繫關係？
YouTube市場競爭激烈，要突圍而出並不容易。但近一年，年僅18歲的YouTuber波仔卻相當有名氣，其YouTube頻道下的影片，有不少瀏覽量都超過20萬。究竟甚麼題材吸引到廣大觀眾群？除了年少輕狂的搞笑日常外，或許最為人津津樂道的，就是他與其相差4歲親姐姐的各種互動。溫情之中不乏趣味，令不少觀眾大喊非常羨慕！
「你講我畫」默契大挑戰為了看看姊弟之間的默契如何，姊弟們應《開罐》邀請，與Opener小編一同挑戰「你講我畫」遊戲，一人任化妝者，替另一人化妝。由於化妝者會被朦眼，故遊戲開始前，被化妝者需記下指定妝容細節，並以口述形式告知化妝者。讓化妝者畫出指定的妝容。
姊弟對於挑戰能否成功意見不一，姐姐聽罷便回答有信心，弟弟波仔卻道「Solo！俾我自己玩！」。遊戲過程中，姐弟之間並沒有太大的爭鬥，途中當家姐得悉需要用眼影塗於嘴上時，更細心提醒弟弟不要把眼影吞下，表現非常貼心。弟弟卻與姐姐截然不同，趁家姐被蒙在鼓裏之際，調皮地把化妝品畫於家姐臉上。
遊戲過後，姐弟2人均認為對方表現不俗。波仔形容為「出乎意料」，家姐更認為自己所畫的妝容有89分。雖然雙方均有改進的地方，但整體默契還算不錯。
另看：中學同學變閨蜜 Anna淚崩：慶幸認識Gemma願一起friend到老
小時候難以溝通或許大家也認為，姐弟們的默契是從小培養而來，合作無間是必然的事。姐姐卻形容過去有段時間兩人關係一般。「當佢（波仔）好細個時，成日都做錯好多嘢，好多我經歷過，知道係唔啱，就會話佢」，希望透過自己經歷提醒弟弟。但弟弟卻不領情，更提到當時心想，「你憑咩話我？你係我邊個？」
二人在鏡頭面前，說出關係最嚴峻的時期，「有試過鬧完交，我whatsapp佢同佢講，你唔好再理我啦」。家姐隨即指「（當時）好崩潰，個日我係間房喊咗一晚。」這段關係最差的時間，他們不但不跟對方說話，在家更避免與對方「同場」。其後父母看不過眼，決定出手為二人破冰，兩人關係才隨之緩和。
我爸爸捉咗我出嚟，同我講話，「你唔好因為家姐一個缺點而忘記哂佢所有嘅好」。
另看：【雙胞胎成長日常】證件衣服胸圍共用 剪頭髮連男友都傻傻分不清
另一半 VS 親姊弟
當記者問及2人，伴侶和姊弟只可二擇其一時，2人均選擇對方。家姐指，「有佢陪我，喺屋企攝灶罅都OK嘅」。而波仔開首雖有丁點掙扎，但他亦指，「以咁多年、18年嘅感情嚟講，我揀家姐」。感情再好的兄弟姊妹，也未必會為家人放棄另一半。可見他倆的關係，是相當親密。
長大後明白對方隨着波仔逐漸長大，加上姐姐曾經先後長時間不在港，波仔漸漸感受到家中沒有姐姐的空虛。他更明言自考DSE，跟姐姐多了交流，向她請教課題上疑難之外，亦對姐姐更為敬佩。「以前係屋企都未體驗到DSE嘅辛苦，佢個陣真係日日摺喺間房，我到大個咗先感受到佢嘅自律，真係好勁。」
互補不足的存在小時候多是姐姐勉勵弟弟，現在卻相反，「我而家啱啱畢業出嚟做嘢，對於人生覺得好攰、好迷惘」，家姐道出剛踏入社會的不知所措，18歲、充滿幹勁的弟弟，卻會家姐迷惘時幫上一把。時常提醒姐姐不要安於現狀，「我同媽媽成日勸佢諗吓自己將來想點……佢心裏有個諗法，但係唔敢去做」。有弟弟為自己打氣，家姐亦指「好慶幸有佢呢個存在，細我4年（的弟弟），有時會提醒返我要有衝勁。」
由姊弟變朋友
拍YouTube片是讓他倆更為親密的契機。自開始拍YouTube後，波仔會跟姐姐一起構思影片內容。在構思過程中引伸不少更深層次的話題，例如對未來的憧憬和計劃。波仔直言，「佢比咗好多安全感我，比好多諗法我，令我有膽量去嘗試好多嘢，所以都係我家姐影響到我有今日」。時日過去，兩人經歷不少起跌，亦成長不少。「以前我哋嘅對話可能都係互串大家，而家就係朋友、合作夥伴咁」。
家姐係我嘅soulmate。
波仔由別人眼中的無知小孩，到現在變成一個成人，亦開始欣賞家姐，「好多謝你（姐姐）為屋企做咁多嘢，我想你會錫自己多啲」。談到別人評論弟弟的影片無聊時，姐姐忍不住雙眼通紅，「我有啲朋友或者有啲人會成日笑，點解你細佬講嘢咁無聊，我會想話返我朋友，我唔覺得我細佬無用。我會想同佢哋講，我好自豪有呢個細佬。」
可能朋友會離開你，男朋友會離開你，但係細佬、親人唔會離開你。
