【港姐2018】Nata陳苑澄認自己係壞榜樣：冇諗到呢個後果咁嚴重
撰文：黃欣華
出版：更新：
應屆港姐參選佳麗15號陳苑澄Nata今次慘！早前在網上post出短片玩潮流熱爆的Kiki Challenge，卻被網民炮轟，直指她為出位不顧安全駕駛，教壞細路。今日Nata出席港姐宣傳活動解釋事件，更一度落淚！
陳苑澄Nata日前跟著網上的潮流，玩「Kiki Challenge」，這個挑戰源於加拿大歌手Drake的新歌《In My Feelings》，在駕車途中突然下車，車慢慢地駛，Nata一路跳舞一路播著音樂，其身段搖擺的確是十分有看頭。不過這個舉動卻被網民怒罵，指她不顧道路安全，作為藝人應該以身作則，不應該做一些踩界的危險行為。
Nata本身就喺架車上面。
+7
周三(15日)出席港姐活動的Nata在接受《香港01》訪問時說：「其實驚比較多，因為網絡上牽起咗好多評論，咁我第一次遇到呢一種狀況，所以唔識得點樣去面對。其實我承認我呢個行為係輕率咗、魯莽咗，對於公司、公眾都非常唔好意思，真係我輕率，無諗到呢個後果咁嚴重，但係網絡上評論我嘅嘢我都會去接受，我明白。」
「小慧姐有同我去傾，其實佢係教我點樣去面對呢件事，因為一定公開出嚟去回應返，都知道呢個行為係有問題嘅，所以都希望公司可以原諒。（影響之後賽事？）都擔心，因為公眾嘅反應，希望大家可以原諒我。我覺得影響到青少年，係一個壞榜樣，真係唔好意思，以後我會諗後果先去做，我會盡量平靜下自己，繼續之後嘅賽事。」
大家會唔會原諒陳苑澄Nata？（陳順禎攝）
今日陳苑澄Nata全情神情嚴肅。（陳順禎攝）
+12