立法會選舉塵埃落定，特首選舉將於明年3月舉行，行政長官梁振英今早談及選舉結果，笑言「好明顯反對我連任的議員都無當選」。民建聯鍾樹根及工聯會鄧家彪今早出席電台訪問時，分別明言「幾難支持」梁連任，以及梁應反思言行。

在港島區當選人張國鈞名單排第二位的民建聯鍾樹根、落選新界東的工聯會鄧家彪今早出席電台訪問。對於有指立法會定局或左右特首梁振英連任，鍾樹根表示，「幾難支持」他連任，並解釋，「因為咁嘅性格同社會嘅氣氛同情況呢，如果有好一啲，點解唔選擇好一啲呢？」他其後估計，將有一至兩人在特首選舉中挑戰梁振英，「就嚟有（有意參選特首者）啦，嗰個選舉之前已經有少少表現啦」。

鄧家彪則稱，梁振英作為行政長官，言行會影響社會氣氛，「有時（梁）講嘅嘢令到社會氣氛比較緊張，係唔應該嘅，社會已經咁緊張」，認為梁要思考現時做法是否適當。

鍾樹根：雷動仲犀利過阿爺啲人​

今屆選舉有本土派當選，包括不少年輕一代，鍾樹根認為培養對中國歸屬感的工作做得差、青年工作和教育也不夠好，情況不能忽視。鄧家彪亦認為，現時政府與立法會的溝通模式變得很差，估計下屆立法會主席未必能夠控制新局面。

另外，鍾樹根形容由戴耀廷提出的雷動計劃「仲犀利過阿爺啲人，叫遲啲投就遲啲投，投邊個就邊個」，估計下屆立法會的雷動計劃經微調後，「傳統建制派你真係大鑊！」