特首梁振英上星期突然宣佈不爭取連任下一屆行政長官，一直打「ABC（Anyone but CY）旗號的自由黨榮譽主席田北俊，今早（14日）出席電台節目時指，並無想過梁振英放棄連任，笑言「一天都光哂囉！」至於曾俊華或會出選特首，田北俊直言曾俊華是現時最佳人選。

田北俊在商台節目《在晴朗的一天出發》中稱，最初得知梁振英宣佈不連任時，只懷疑「係咪聽錯呀？」又稱「好開心中央領導聽咗多方面意見再作呢個決定」。至於梁振英以家庭問題決定不再連任，田稱「私事個個聽到都唔開心」，但認為梁振英女兒梁齊昕的身體原因只是其中一個理由，但並非最大的理由，「如果覺得自己做得好，就無理由為咗個女身體唔做」。

至於財政司司長曾俊華已向中央請辭，田北俊稱曾俊華令人感覺較為和諧，形容「曾俊華暫時係最好嘅人選」，稱「人嘅性格你睇到，佢有幽默感又係香港仔」；但田強調「決定性都係喺北京度」。田北俊續指，曾俊華的請辭若獲中央接納，相信中央發出信息後，曾俊華便會在短時間內宣佈參選」。田北俊又稱，若曾俊華「因為有啲嘢想做而想做呢份工，咪去囉」，又稱「希望中央快快手接受（曾俊華）辭職信」。

不怕林鄭為「大政府」

除曾俊華已經辭職外，政務司司長林鄭月娥亦稱「不得不重新考慮參選」，田北俊讚揚林鄭非常能幹，「可能前排真係想退休，所以說話講得好盡」。田認為商界不少人均對林鄭月娥有好印象，「佔中同學生（會面）都唔係咁強硬，抗拒性比CY低好多」。但對於民建聯主席李慧琼認為林鄭月娥會組「大政府」一說，田北俊稱林鄭曾任社會福利署署長，亦有負責扶貧工作，「民粹啲可能係有」，但商界對幫助弱勢社群及加大安全網等政策均不太擔心，因現時政府「又唔係唔掂到要加稅」。

林鄭月娥日前又指，重新考慮會否參選特首的原因，包括能否延續現屆政府理念。田北俊稱「同過好多人飲茶，都覺得呢個信息好負面，認為林鄭必需澄清會在哪些範疇延續梁特政府理念，「係8.31政改方案、聽命於中聯辦、起公屋定扶貧？」