港姐冠軍大仔生日超靚仔變餅印母子　6歲已勁識諗有大佬風範

前港姐冠軍陳凱琳（Grace）與視帝鄭嘉穎婚後育有3名兒子，早前剛大肆慶祝完兩歲孻仔生日，陳凱琳近日再發文透露，原來情人節是大仔鄭承悅（Rafael）的6歲生日，陳凱琳曬出大仔照片，兩母子相當似樣。

陳凱琳（Grace）與鄭嘉穎一家五口幸福家庭。(ghlchan@IG)

陳凱琳分享多張大仔的照片，大仔眼大大鼻高高，與陳凱琳餅印樣，愈大愈靚仔。鄭嘉穎攬實兩名兒子，非常疼鍚仔仔。陳凱琳發文透露，原定安排了Staycation為大仔慶祝生日，可惜未能成行，陳凱琳自責道：「點知呢個媽咪搞烏龍，最終去唔到」。

但是大仔反而安慰媽媽，不介意遲些再去Staycation，最終一家人在家食乳豬，以及舉辦泳池燒烤派對慶祝。大仔非常懂事，陳凱琳稱：「揸車返屋企嘅時候，佢同我講『this is the best birthday ever!』其實佢三歲嘅時候已經每年咁樣同我哋講」，陳凱琳感動承諾會再補償給大仔。相中大仔見到乳豬開心到張大口，在泳池燒烤派對全程笑容滿面，看來度過了一個愉快生日。