38歲TVB女星賴慰玲相隔7年再做媽媽，今年1月13日宣布細仔出世組成4口之家。賴慰玲坐完月火速復工，上月以導師身份返TVB教戲劇班，竟大方分享母乳予學生品嚐﹗

賴慰玲晒細仔初生寫真兄弟勁有愛　母愛爆發：唔捨得佢哋大得太快

上月賴慰玲與鄧智堅等為無綫安排的戲劇班擔任導師，學生包括郭珮文、倪樂琳、何沛珈、孔德賢、張馳豪、宋宛穎等。她在IG分享教班趣事：「我仲係食緊月子餐，健康就唔使講，最緊要真係好好食，好食到返工都要帶飯。」除了繼續食月子餐，她一邊工作一邊泵母乳供細仔飲用：「同鄧智堅完成了兩星期的教學，遇到一班很hungry的學生，是我們的幸福。佢哋hungry到一齊試飲我嘅人奶🍼畫面非常之震撼﹗」

產後火速復工亦火速修身，賴慰玲早前終於完成最後一次覆診：「見埋最後一次醫生 醫生話傷口埋得好靚可以紮肚，每日紮肚都好敬佩技師👏🏻每晚卸下扎肚都好敬佩自己🤞🏻唔容易嘅旅程。但見到3指半嘅腹直肌變返半指。抵返曬！」除了照顧初生細仔，賴慰玲亦不忘陪伴大仔，齊齊入場睇七人欖球賽之餘亦抽時間享受母子二人世界：「一年前我同也也講 媽媽一年之後再同你跑跑跳跳 我諗我已經兌現咗個承諾啦 🏃🏻‍♀️」