【特首選戰】曾俊華「浪漫」之路揭秘 目擊者陳伯：佢都幾食得
剛獲中央批准辭職的前財政司司長曾俊華正備選特首，近日馬不停蹄落區體察民情，本周日（15日）到黃大仙下邨「冬菇亭」醉和里，一嚐有「男人的浪漫」之稱的豆腐火腩飯，盛惠50元，被指終於知價。
當日坐在旁邊另一張枱的黃大仙居民陳伯說，憑招牌鬍鬚認出曾俊華。他一邊吃飯，一邊看着曾俊華，對他吃畢整碟大碼碟頭飯，無浪費一粒米留下深刻而良好印象，「佢差唔多隻碟都食埋！」
《香港01》記者今日（17日）重返曾俊華光顧的冬菇亭醉和里，就在他當日所坐的那張枱旁邊，看到一位穿上湖藍色抓毛外套的食客，有幾分面善，原來是他－－在曾俊華周日發放在Facebook相中的食客，他坐同一個座位、穿同一顏色外套。
曾俊華與六、七名工作人員並坐
這位常客陳伯，居於黃大仙40多年，現居黃大仙下邨，平日不時到邨內醉和里吃飯和「打躉」，當日剛巧遇上曾俊華到訪而被攝入相中。他說，當日曾與六、七名工作人員並坐，老闆專程早點回來打點，只見曾坐下點菜後與各人閒聊及「密密食」，十分低調。「我望兩望，一見啲鬍鬚就知道係佢啦！佢幾好呀，又唔大牌又唔係周圍撩人講嘢，無周圍走social咁，食完就入廚房同入面做嘢伙計影吓相就走，幾低調，但都感覺到佢幾和善。」
食客陳伯支持曾俊華成特首
曾俊華雖未有高調進場，反而令陳伯非常好奇及注意，尤其是曾不浪費食物，最令他深刻。「佢都幾食得，因為呢度份量幾多吓，我見佢食真係食得晒！差唔多隻碟都食埋，我平時都（吃不完）要打包啦！」
陳伯對曾俊華十分讚賞，指感受到他的和善，與平日報道上見到的差不多，更説希望他能成為下任特首。「望佢做啦，但睇新聞好似林鄭有機會啲，現在兩司長爭，佢（曾俊華）搞財經好啲，林鄭（月娥）就搞政策好啲。我希望嚟緊特首可派下錢，搞好經濟啦！」
冬菇亭早一晚知曾俊華到訪
一名醉和里職員説，早一晚已得悉曾俊華到訪，「佢純粹食餐飯就走啦，無特別，但有食客話同佢影相佢都好親民同佢影相，都ok嘅！」
觀塘三居民專程跨區來「浪漫」
另外，有觀塘街坊特別跨區前來醉和里「打卡」，到場用舌頭感受曾俊華的「浪漫」。三人都上了年紀，甫到步跟樓面職員説：「財爺都有叫，我哋都係專登嚟試下豆腐火腩飯啦，我哋係fans嚟嘅！」令員工笑逐顏開。三人不願透露姓名，其中一位女粉絲向記者說：「我哋好希望佢可以做（特首），我哋都好心急！」另一位男粉絲即説：「佢比較溫文，林鄭奸詐啲囉，佢做到每人派一萬就好啦！」對於下任特首期望，他指最重要攪好經濟，「經濟好我啲生果金先有得加嘛！」
到訪公屋大堂居民爭住影相
曾俊華當日除到「冬菇亭」外，也到訪黃大仙上、下邨，與街坊及茶餐廳老闆近距離互動。他先到的黃大仙上邨詠善樓，一名保安員表示，雖然自己當日放假未能參與，但有街訪向她反映當時大堂非常熱鬧，不少街坊專程到電梯口迎接及拍照，氣氛愉快。