估唔到握手術真係有用武之日先講下咩叫「拉扯型握手」

特朗普的「拉扯型握手」

安倍晉三「被握手」19秒，中招後反白眼大家都睇過。好多專家開始講點解，例如佢欠缺社交技巧，又要顯示自己支配地位，或者自我中心等等。我無讀過人體語言嘅書，所以唔識解讀，不過，握握下手俾人拉過去，實在係件唔多愉快嘅事，究竟有咩方法可以破解呢（或者還手）？

失敗與成功例子

睇返以下失敗例子，被特朗普提名為大法官嘅Neil Gorsuch，拎轉身之後個身郁，腳無郁，向前伸出隻手同特朗普握手，所以重心就好容易俾佢扯過去。如果呢個時候你拉返佢過嚟，又會顯得好小家。

一係你就喺佢拉你過去嗰時發力拉返佢，但俾特朗普掂左先機，而且佢又有身型優勢，拉返佢過嚟唔係易事。

我認為最好方法，就係好似加拿大總理Justin Trudeau，第一步已經入位，等自己隻手唔洗完全伸直，佢拉都拉唔到自己重心。而且佢仲先發制人，先拉特朗普隻手過來，搞到特朗普要踏多隻手上去Justin Trudeau到，以顯示輸人唔輸陣。

握手術

以前我喺另一篇文《握手術》入面講過，如果想握握下手攻擊對方，應該點做。喺到重溫一下經招式。

大概特朗普已經閉關苦練緊，下次見其他元首或者可以用。

死亡之握與破解方法

其實講握手威力，特朗普都係扯人埋去，而馬英九當年「死亡之握」可以話名震一時。網上笑言同馬英九握過手嘅人同物都無好下場。但係唔同宗教團體、民族都諗到方法破解，例如：

但係，作為中華兒女，我哋就梗係：

今次係咁多！

（本文純屬作者意見，不代表香港01立場。）