青春不要臉|黃栢文助周星馳奪金馬獎 事隔34年親爆原首選梁朝偉

撰文:黃欣華
出版:更新:

由余德丞、丁子朗、劉穎鏇及戴祖儀主演的無綫(TVB)劇集《青春不要臉》昨晚(5日)迎來大結局,劇集播出後好評好潮,更被網民讚是近年少見的誠意之作。劇中,講到丁子朗遇到一個懂得欣賞他的伯樂,叫黃栢文。現實中,大家只知道周星馳伯樂是李修賢,但其實他們之間仲有第三者,而他就是黃栢文,劇中黃栢文正正是做返自己!

從導演到合約演員,黃栢文更是周星馳知音。(影片截圖)

點撃下圖重溫99%還原當年一幕:

+59

黃栢文是周星馳一開始拍兩部電影《霹靂先鋒》(1988)和《風雨同路》(1990)的導演,日前他接受訪問是就重提他與星爺的一段往事:「我度劇本度咗8個月,8個月裡面第二男主角個公仔(形象)一直都係依家一位巨星,佢當時都係TVB出嚟,冇咁紅。我哋諗故仔都係諗一個人去代入去度,點知8個月後搵佢,冇期。某一日,我同李修賢上鄭則仕屋企食飯,𢲷晒頭話開唔到戲搵唔到演員,啱啱電視後面周星馳出現,鄭則仕回頭望一望,呢個𡃁仔好掂㗎,做戲幾放,我同李修賢又望一望,都冇為意,咁啱我同李修賢之後落咗去一個影人聚集嘅娛樂場所就撞到周星馳……埋去同佢傾計,發覺佢都幾啱戲中嗰個人物,李修賢同佢傾咗幾句都覺得啱Feel,於是約佢上公司,傾完佢走咗,李修賢就問我『你第一次做導演,肯唔肯用一個新人?』都好,佢又新我又新,點解唔摶一鋪呢?於是就同意咗同周星馳,埋位第一日第一個shot,佢就係我想要嘅公仔(角色),佢係一個非常之好有天份嘅演員,你要求佢1,佢俾返789你。《霹靂先鋒》係佢第一部戲,我已經對佢非常滿意。」

當日周星馳還未拍下《蓋世豪俠》,黃栢文已睇中他當男配角。(《霹靂先鋒》劇照)
隨後二人再合作《風雨同路》,相中為電影舉行慶功宴,周星馳與黃栢文合照,還有女主角周慧敏。(受訪者提供)
+2

問道他在訪問提到原本那位巨星是誰時,他就稱:「梁朝偉,佢啱啱喺TVB跳出電影界,因為受咗佢套《鹿鼎記》韋小寶影響,覺得佢好啱做呢個角色,於是一路度故仔一路都係諗住佢,甚至呼直接叫角色偉仔。」對於《青春不要臉》的角色,他笑稱:「呢一生人裡面都唔會再接到呢個角色,因為係演緊自己,演返黃栢文,係講佢當年點樣同周星馳合作,點樣令佢攞金馬獎,一路演往事點點滴淪喺個腦度出返嚟。」他更大讚《青春不要臉》能讓觀眾了解當年演員如何努力爭取演出,要向現實低頭。

黃栢文不時都有演出,《逆緣》中飾演的龍羽居士,原來是個騙財騙色的神棍。(劇集截圖)