機緣巧合睇多咗次《葉問2》最後唔俾子丹用腳究竟拳擊比賽用腳踢人係咪真係犯規呢?

今次係咁多！

.

.

.

.

.

.

.

..................

..好啦講幾句：

1. 並唔係你嗰樣武術有腳就要俾你出腳嘅，如果你有咩就可以出咩先算公平，咁如果你玩菲律賓魔杖或者耍關刀嘅，我咪好大獲？

2. 並無咩規則係唔公平，講明唔準做某樣嘢，又可以做某啲嘢，兩位選手同團隊都okay，就無問題。

3. 但係一定要賽前兩邊選手都答應。只要兩邊答應就無問題。好似好多中國嘅「中泰挑戰賽」都會搵泰拳選手返來，要佢哋喺散打例之下打中國嘅散打選手，其實無咩唔公平，因為兩面都應承咗。

光彩可能就算唔上。

4.   所以，打打下先唔俾用腳，就真係有問題嘅，規則定咗就唔可以臨時改，所以呢度對子丹係唔公道。

5.  其實成套戲都好似無講過係打拳擊例，規則係咩無人知，所以子丹出腳無問題，好似係。

6.  另外，飾演龍捲風嘅英國籍演員Darren Shahlavi喺2015年突然離世，願佢安息。

最後都係認真咗。今次係咁多！（真）

（圖片為《葉問2》劇照及 "You Don't Say?" meme）

（本文純屬作者意見，不代表香港01立場。）