【明日戰記】古天樂碌人情卡爆大陣容︰再有兩位影帝影后加盟
撰文：許育民
出版：更新：
製作費超過3億，由古天樂、劉青雲、姜皓文主演，新晉導演吳炫輝執導的科幻電影《明日戰記》，經過四個月來連日拍攝，內地取景部份終於煞科。
煞科當日，古仔坦言最開心終於可以除下重型裝備，不用日日負磅。不過所謂日子有功，當古仔除下裝備開香檳時，一副爆肌身形登場，加上日日好似焗桑拿般拍攝，令古仔收晒水之餘仲修埋線條出來，算係Bonus。
劇組對演員的服飾甚有要求，皮褸算是輕裝上陣。
三位型男，隨意擺個甫士，都夠殺死人。
古仔︰壓住個肺，透啖氣都難
《明日戰記》在深圳場景，歷時近4個月的拍攝經已完成，為求有型，戲中演員裝束不是皮褸，就是超過30磅的動力裝甲。開鏡時天冷還好，到近期酷熱天氣警告生效，每天在密不透風的室內下乾煎，實在好難捱。
提到每天要穿上超過30磅的動力裝甲上陣，古仔都只有苦笑：「這套裝備，對我來說是一個體能挑戰，表面重超過30磅，但穿上後加埋汗水，至少40磅重量，又壓住個肺，很多時都有種難以呼吸的感覺。」
終於不用穿上重型裝備，古仔笑容都特別燦爛。大家再留意佢手瓜，麒麟臂咁。
裝備淨重近40磅，要長期負重走來走去都幾辛苦，經常要背住個書包的小學生最身同感受。
頂住個肺事小，怕焗到中暑事大，所以期間古仔要不停飲涷水解渴，等埋位時仲要搵兩支冷氣喉對住自己吹散熱。他更爆料平時青雲習慣穿上戲服後，便一直到收工才除，但這次都頂唔順。「任誰穿上這件動力裝甲都要除一除、抖一抖！我同青雲都著到頸膊酸痛，實在很大負荷。」
戲中會有多部大型裝甲車出現，部部都堅行得走得。
《我是路人甲》主角萬國鵬煞科當日，便拍到中暑嘔吐大作，相當辛苦。
一粒子彈都畀足心機去造
電影內地取景部分完畢，大型場景似乎已拍得七七八八，餘下香港部分，都拍得大型，但不是場景，而是卡士。古天樂︰「總之會有一場龐大的製作即將展開，到時有兩位影帝和影后級人馬加盟，現在要賣個關子先，我都好期待！」
對於這個花了3年時間籌備的項目，眼見漸成型，古仔心情不單止興奮，還有點難捨難離：「這部電影，無論故事創作、裝甲、每一支槍、基因子彈、每一個設計場面等，都好畀心機去做。作為演員第一次拍科幻片，是一個很新鮮和難忘的體驗。」電影就算拍完，還要花1年時間做後期特技，最快都要2018年先有得睇。
深圳部分完成，來個全體大合照留念。