落選港姐曾愛媚現身美劇《Lucifer》　 衝出香港跟女主角同場演戲

做得藝人，有邊個唔想進攻荷里活同美劇市場呢？雖則話香港都有唔少藝人在美劇中露面，之但係估唔到近日在FOX熱播的美劇《Lucifer》第三季中出現的一個亞洲面孔，唔單止有大量英文對白，還同男女主角同場做對手戲添，她就是2006年的落選港姐曾愛媚，先後做過無線電視同香港電視網絡藝員，在TVB遊戲節目《一擲千金》中同雪雪BB孫慧雪、周佳怡等一齊做過「千金小姐」。

今年35歲的曾愛媚是美籍華人，而家在美國生活，06年入行以後都有拍過唔少劇，之不過都是一些不起眼的角色，大家可能都未必記得。今次的《Lucifer》她就在扮演一名死者的妻子Emma Matthews，因疑似殺害死者被兩位主角問詢。不過原來這已經不是她的第一套美劇，在早幾年的美劇好似《Heartbeat》、《Shameless》、電影《Eternity》中等，都有她的身影！雖然早期劇集中，可能Amy只得少部分鏡頭，但如今在《Lucifer》中有唔少對白同主角jam戲，都算是突破。大家亦可以click入去以下啲片睇一睇Amy在這幾套劇中的風采！除此之外，她在一月都結束了一套新戲拍攝，真是名副其實的衝出亞洲，揚眉吐氣，認真威水呀！