周吉佩今日出席藝術展，他透露早前與粉絲到塞班島慶祝後援會成立兩周年，一班人坐飛機去上山下海，他說是一個壯舉。「我哋已經傾緊第三年去邊，好開心今次大家都好踴躍，塞班島有陽光與海灘，我去到每個景點都會唱歌，但最難忘喺夜晚去觀星。」周吉佩在當地亦為7月推出的新書拍攝封面以及拍攝MV，而返港後亦舉辦了一個戶外迷你音樂會，補償未能飛塞班島的粉絲。

周吉佩透露將出席《中年好聲音3》決賽，但只會做觀眾。對於《中年好聲音3》有傳內定三甲賽果，他表示只要結果不合大家心意，就一定被指內定，希望大家別太認真，應該將焦點放在比賽上。對於有傳趙浚承奪冠軍，周吉佩指二人識於微時，對方一直十分唱得，所以當他參加《中3》時，已十分看好。