中年好聲音3｜張與辰失手？ 張佳添揭三大問題：爛船都有三斤釘
撰文：林迅景
出版：更新：
17
0
1
0
0
《中年好聲音3》今日（04/5）一集的主題是經典老歌。張與辰演唱《愛，很簡單》，雖然好聽歸好聽，但似乎未達評審的高要求，「只」獲92分。以「大魔王」張與辰來說，可說是失準。
王馨平：「正如你所講愛很簡單，但係唱起來一啲都唔簡單。尤其開頭要好平淡，但係平淡下面要有好多工夫，不過你後面有加強咗，show咗你靚聲部分。唔好咁緊張，你得嘅。」
肥媽：「你要記住，今日唔係真假音嘅運用，而係你嘅感情。技巧幾叻都冇得傾，因為我哋係講感情嘅投入。好彩今日有人同我同分，有同感。我哋啲女人感情係多啲。」
張佳添：「今日92分唔係一個特別高嘅分數，第一，你一開始搞乜嘢婚禮，叮叮噹噹，嗰啲其實唔使。你只要用個好純粹，好真摯嘅感覺去做呢首歌就已經夠，因為呢首歌已經好甜蜜。你再唱落去嘅時候，去到副歌你唔記得咗做層次感。『I Love You』太平淡，同埋你今日唱嘅假音唔係最靚嘅假音。到最後利用技巧去提升，但係多咗技巧少咗感情。當然啦，張與辰喎，爛船都有三斤釘。但係如果，頭先啲嘢你全部做啱晒，分分鐘有96，97分。」
