【3日2夜】陳婉衡遊布吉曬到甩皮 巴塞玩煙花胸口又中招
撰文：林迅景
出版：更新：
陳婉衡好鍾意巴塞隆拿這個地方。(Instagram圖片)
近期網上熱討得最多的TVB節目除了《學是學非》之外，其次就是一班愛好旅遊的觀眾必看的《3日2夜》。亮點當然是每一集都跟「選港姐」一樣，有美女與泳衣。踏入炎炎夏日的7月份，當然節目內容少不免有陽光與海灘、風景與美女，近日TVB娛樂台主播陳婉衡（Alycia）更加被派去巴塞隆拿拍3日2夜。
Alycia這個trip去了14日，瘋狂地與太陽做朋友。(Instagram圖片)
睇返Alycia的IG相，真的明顯地曬黑了。身在巴塞隆拿的Alycia接受《香港01》訪問時說到，其實她由布吉的生日旅遊就已經曬黑了，之後在大陸拍攝節目及巴塞隆拿拍攝《3日2夜》才黑上加黑。但「鬼妹仔」性格的她似乎不太介意，「我不介意曬黑，其實我鍾意皮膚有返啲色，只要不曬傷就得啦。」
不過Alycia已經不止曬到「皮膚有返啲色」咁簡單，她的手臂膊頭胸口其實都有曬傷到「甩皮」。她說：「就是曬燶咗之後先知衰咗，之後就瘋狂的補防曬。不過最緊要就是不要再曬到曬傷了的位置，我都盡量著返啲長袖衫。」其實在布吉曬傷皮膚之後，她也有看醫生塗藥膏，幸好已經好返好多。
（左圖）個煙花真係好大個。（右圖）陰公豬，隻手損曬。
除了曬傷之外，陳婉衡在巴塞隆拿玩煙花時還發生了一些小意外。她在晚上玩小型煙花捧時，不幸有煙花彈進了她的泳衣內，還導致胸口及手臂有一點燒傷：「真係陰公，個心口真係多災多難。我來巴塞隆拿的時候，他們有個節日是可以在沙灘玩煙花，跟住啲煙花彈了落我心口同手，都不知有冇疤痕添。」
+3