【有片】港姐馮盈盈水著飲香檳　24小時分享限定：其他人都係咁著

作為2016年港姐冠軍的馮盈盈(Crystal)，自從選美的時候穿過三點式比堅尼上陣之後，就鮮有見她以泳衣相見人，即使在其Facebook或Instagram亦未有見太過性感的照片。不過昨日就來一個大解放，炎炎夏日，最好當然是來個水中暢泳。雖然間中有雨，不過無阻Crystal的興致，見她在IG上有兩段即時動態都穿著三點式比堅尼在一個水桶中飲香檳，極其寫意。

至於為何會突然之間著三點式飲香檳咁開心？她接受《香港01》訪問時她說：「因為噚日去嘅地方係要著泳衣先用到佢地啲設施，其他人都係咁著，我見咁啱影到張相幾靚，同埋想介紹呢個幾好玩嘅地方，所以咪post囉。（係咪身材好咗？）我最近肥左少少增左磅，所以比起我選港姐時人生最瘦嘅時候，感覺豐滿咗，但其實係全身均勻地長肉左。不過我都唔打算特登再減，而家圓潤左大家都讚我看上來健康啲更有福氣。」原來是出席活動，相信她的粉絲們一定會想Crystal出席更多這類型的活動，那麼就可以大飽眼福了。

雖然Crystal毫不吝惜身材，不過男朋友會否介意呢？她說：「唔怕，我選港姐時已經公開著過泳衣喇，所以無嘢好介意。（網民話相有執過喎？）其實ig story果幾張cap圖係有snow呢個app嘅水印係右下角，ig story我想生鬼啲得意啲先用個影相app影，加啲卡通圖案比自己啫，而我真係post出來個張就最多只係調一調色。」其實Crystal不用執相都已經靚絕全場，唔係點會選到港姐冠軍。

至於昨日除了有三點式相放上網，Crystal在夜晚更在Facebook開live直播打機，不過卻沒有在公司自家的Big big channel做直播，原來中間是有點誤會，她說：「其實我噚晚係Big big channel和fb page同時開live，因為初次開打機live未熟d set up，所以我喺fb page就影自己，bbc就影遊戲畫面。我諗可能係因為我唔記得係bbc share番段live去facebook，要再比d時間摸索。（但喺bbc唔見段片喎？）原來喺bbc未見到段片，唔緊要，係可以麻煩webmaster搵番條片再post番。」這個app新開不久，的確有好多技術上的問題，藝人們未必都熟悉，唯有給時間他們慢慢摸索。