《詭探》播完有咩睇? 袁澧林劉俊謙接棒做《瑪嘉烈與大衛》

撰文:溫菁莉
出版:更新:

ViuTV劇集《詭探》剛開始播出嘅時候,因為撞正TVB播返10年前的倉底劇《蘭花刼》,雖然收視係點無人知,但就成功引起唔少話題。而《詭探》上星期五就播出大結局,可惜劇集疑似為下一季留伏線,引來不少負評。而接下來ViuTV將播出嘅劇集就是改篇自南方舞廳的同名小說《瑪嘉烈與大衛系列- 前度》。

除了中間嘅廖碧兒之外,其餘4位演員袁澧林、劉俊謙、杜小喬及馬志威都係首次拍攝電視劇。
劇中仲有黃秋生同夏文汐參演!

唔知大家記唔記得Viu首部自製劇便是由林保怡、周家怡、潘燦良主演的《瑪嘉烈與大衛系列 - 綠豆》,劇集更破天荒採用邊拍邊播形式,令劇情經常緊貼新聞時事與社會熱話,口碑非常好。而將於下周一(17號)播出的劇集《瑪嘉烈與大衛系列 – 前度》就換上一眾年輕新面孔演員,有文青女神之稱嘅袁澧林、劉俊謙分別飾演年輕版嘅瑪嘉烈與同大衛、另外仲有杜小喬及馬志威,而佢哋4位演員嘅共同點都係第一次拍電視劇。

效果係點要下星期一先知,但只得一班年輕演員點得呢,套劇仲有黃秋生同許志安,仲有現時正為TVB拍攝劇集《逆緣》嘅夏文汐參與演出!據知,今次《瑪嘉烈與大衛系列 – 前度》同《詭探》一樣,於晚上9點半播出,每集30分鐘。 其實《詭探》當時只播30分鐘亦引起不少網友爭議,因為30分鐘完全唔夠喉,扣埋廣告時間劇集就得返22分鐘。

Viu頭炮劇集《瑪嘉烈與大衛系列 - 綠豆》去年播出時,成功引起不少討論。

但最值得留意嘅係,今次劇集並非沿用之前《綠豆》邊拍邊播嘅形式,當時呢種拍攝方式雖然創新,但就難為了一班演員,當時《綠豆》飾演大衛嘅林保怡就曾講過邊拍邊播會影響拍攝進度,怕之後一日要踩十六至十八小時。今次拍完先播,演員們當然無咁辛苦,仲經常上載幕後花絮到Instagram俾fans先睹為快。