衛詩雅同小企鵝玩足一日 餵食要先上堂：好似變返小學生
撰文：羅偉強
出版：更新：
唔講唔知，衛詩雅Michelle原來都係一位愛寵物之人，家中養了三狗三貓，勁有飼養心得！在即將上映的新戲《喵星人》中，詩雅更當犀犀利是真貓與「牠」相處，要呃人先要呃過自己！未知大家能否像Michelle般把犀犀利當真貓呢？
可以同cute爆小企鵝一齊玩，真係好正！
愛心爆棚的Michelle應TVB娛樂新聞台邀請到海洋公園，擔任一天動物護理員，負責照顧一大班企鵝，讓她一圓兒時夢想。她夢寐以求地說：「我細個嘅夢想係做海豚訓練員，以前睇企鵝同海豚表演，我都會舉手要上台同佢哋近距離接觸，但次次都揀唔中我，今次終於有機會俾我一嘗所願，如果唔使拍戲，我都想繼續嚟做，我喜歡呢份工作。」
由於太凍，Michelle穿了保暖衣仍不夠，要另外加衣物禦寒。
雖然是三狗三貓的「媽媽」，但今次面對的是一般人不會接觸到的企鵝，因此都要先上上堂，才能正式接觸牠們。Michelle勁留心聽書，學習不同的企鵝品種與生活習性，更笑稱：「我覺得自己好似變返小學生。」聽書過後，又親自為企鵝們製作鮮魚食物。
終於可以親自餵食數十隻可愛的企鵝，但要在10度以下進行這種活動，Michelle表示溫度成為她最大的敵人。準備了半日，最後Michelle拿著一大桶食物來到企鵝們面前，隻隻企鵝都追住要她餵，食飽又立即跳落水展示泳術，令她眼界大開。「今日真係長知識，其實我咩動物都鍾意，海豚、長頸鹿都鍾意，希望嚟緊可以去泰國參與保育大象計劃，人同大象都可以學習點樣共處。」其實愛護動物協會可以考慮找Michelle擔任大使呢！