【專訪】袁澧林劉俊謙Kiss戲勁尷尬 嫩版瑪嘉烈大衛︰偷食變常態

撰文:羅偉強
出版:更新:

《瑪嘉烈與大衛系列綠豆》上年播出時,獲得大量好評,一度被譽為ViuTV「神劇」。有口碑、有收視,自然可以推出續集。新一集名為《瑪嘉烈與大衛系列前度》,故事圍繞瑪嘉烈與大衛相識之前的前傳式故事。男女主角找來高大威猛的ViuTV靚仔男神劉俊謙,女主角則是文青女神袁澧林Angela Yuen。到底兩位視壇新貴在處理這套備受關注的電視劇時,有甚麼準備及如何調整心態呢?

二人本身已老友鬼鬼,可惜劇中沒有對手戲。(符祥定攝)

拍《前度》大壓力? Angela處理得宜

要拍好這套《前度》,相信對兩位經驗尚淺的新晉演員來說,定必有一定壓力。畢竟《綠豆》如此受歡迎,珠玉在前下難免會怕被比較,他們又如何處理這種壓力呢?阿謙就表示:「其實一開始已經感到有壓力,最開始搞發佈會,我已經勁緊張。當時立即WhatsApp Angela同佢講我好緊張、好大壓力!」而Angela就比較淡定,她說:「一開始都會有啲緊張,但收到劇本之後反而冇諗咁多,到排戲嗰時剩係諗點做好佢。」適當壓力會化成動力,睇嚟Angela同阿謙都好著緊套劇呢!

Angela笑言,驚打比周嘉怡對方唔知自己係邊位。傻啦!香港好多人識你㗎!(符祥定攝)

唔敢向林保恰、周嘉怡取經 怕對方唔知邊位

《綠豆》成績如此好,林保怡與周嘉怡的演技絕對功不可沒,小瑪嘉烈與小大衛又有沒有向她們取經呢?「我冇佢哋電話咋,如果唔係我都想打去問!」阿謙笑言。Angela也笑着說:「可能打到去人哋都唔知邊個係劉俊謙同袁澧林,以為玩電話。」唔會啦,兩位前輩一定好照顧後輩,下次放膽打去請教!

謙原來鍾意運動型女仔,可惜歐鎧淳已經名花有主啦!(符祥定攝)

劉俊謙喜歡運動型女孩 暗地喜歡歐鎧淳

作為演員,理解角色心理非常重要,未知阿謙又覺得自己跟戲中的大衛有甚麼同與不同呢?阿謙就覺得自己與大衛性格都是較內向(完全看不出),但大衛比較不清楚自己想要甚麼,而自己就開始有些主見。咦,到底阿謙想要甚麼類型的女性呢?他略帶害羞地說:「運動型囉!」一旁的Angela隨即鬼馬地打蛇隨棍上對記者說:「佢鍾意歐鎧淳㗎!之前佢拍拖,阿謙勁唔開心。」一旁的謙緊張地說:「唔好亂講啦!」勁有少男情懷!

袁澧林有特定喜歡的類型,哪一種類型?google seach吓平時邊個同佢好sweet就知啦!(符祥定攝)

袁澧林理想型係盧廣仲?

而Angela就覺得瑪嘉烈與自己最大的不同就是:「瑪嘉烈會同唔同嘅人拍拖,因為佢個人鍾意試新嘢,要拍多幾次拖先知自己想要咩。但我就有特定鍾意嘅類型。」即是甚麼類型呢?「有才華、可以堅持,同埋努力!」一旁的劉俊謙亦不甘示弱:「佢鍾意盧廣仲呀!」竟然是盧隊長!不過可以肯定Angela不是外貌協會會員!

謙鍾意歐鎧淳型,Angela喜歡盧廣仲型。咦,兩位睇嚟唔多過電喎!(符祥定攝)
+3
同靚女姐姐kiss,令阿謙有心如鹿撞嘅感覺。(符祥定攝)

Kiss戲勁尷尬 前輩廖碧兒、許志安化解緊張

對很多新演員而言,拍kiss戲永遠是一大挑戰,在整個劇組面前要拍親熱戲,總會感到尷尷尬尬,而兩位新演員都有這種尷尬感。阿謙在戲中分別要跟杜小喬及廖碧兒有對手戲,能與兩大女神接吻,是很多男士夢寐以求的幸福事,自己又如何看待這些吻戲呢?「同小喬會好啲,畢竟大家係平輩,相對上壓力細啲。但廖碧兒始終多經驗、又靚,對住姐姐嘅時候,我內心就好似一隻小白兔,有心如鹿撞嘅感覺。但拍嘅時候,佢又會令我個心定啲,所以都OK。」有前輩帶領,真的會比較容易上手,Angela都有類似的感覺。

Angela將與馬志威及許志安發展一段三角關係。

「我都會尷尬,雖然我同馬志威係平輩,但都會緊張。我哋會不停傻笑同講啲無聊嘢化解尷尬。同許志安就仲緊張,但唔知點解反而順利啲。」Angela邊回想邊說,同叔叔談戀愛,看來真的會有種安穩感。問及Angela較喜歡哪一位,Angela想也不想就答許志安,難道Angela喜歡叔叔?「因為安仔好fit個角色,畀到種好想安穩同女朋友生活嘅感覺我。」是馬志威不夠好嗎?她立即補飛說:「馬志威好chok,但都好fit DJ呢個角色,因為佢把聲好低音,幾好聽。」男人唔壞女人唔愛其實並非必然,起碼文青女神就愛穩重。

阿謙認為科技進步令偷食變得容易。(符祥定攝)

偷食已成社會常態 Angela堅拒一腳踏兩船

《瑪嘉烈與大衛》的故事中,不時會出現男女方偷食的情況,不論是精神上還是肉體上。在十年前這也許是兒童不宜的情節,但今時今日這些偷食卻被網民稱為「貼地」,偷食似乎已變成一種常態,新任瑪嘉烈與大衛又怎樣看這種情況呢?新大衛說:「我同意已經變成常態,因為科技實在太方便,所有嘢都即食化,我身邊都有好多朋友用App識男仔女仔,呢樣嘢以前個年代係唔會有。」而感情穩定的Angela就說:「喺瑪嘉烈嘅世界入面,一個人有機會同時鍾意唔同嘅人,我自己都同意,因為有時好感、欣賞等等嘅情緒會分不清。但我自己對拍拖會有啲規限,起碼唔可以一腳踏兩船。」男朋友可以放心啦!

+8

Credit:Angela服裝贊助@COS / PUMA劉俊謙Stylist@Menphie服裝贊助@Scotch & Soda