劉德華復工為《俠盜聯盟》配音 同粉絲講：你們好我就安心了
撰文：何志衡
出版：更新：
華仔受傷後無法出席宣傳活動，但曾拍片表示康復進展良好。
日前有報道話劉德華忽然暴瘦及同老婆朱麗倩秘密去尼泊爾拜神，令人擔心自他今年1月在泰國墮馬受傷後的健康狀況，不過大家唔使太擔心喇！因為華仔有新照片曝光，他只係清減咗少少唔算暴瘦，而且為咗馮德倫的《俠盜聯盟》配音而開緊工。
華仔官方微博上載最新照片，見華仔在錄音室為新戲配音。
華仔留言表示想起粉絲，說夢中見。
華仔官方微博上傳了兩張照片，一張是身穿黑色衫的華仔在錄音室錄音，一張是一個電子鬧鐘，鬧鐘顯示日期7月12日星期三，晚上9點52分。華仔留言道：「在為俠盜配音中……想起你們！你們好嗎？你們好我就安心了！夢中見。」短短幾句話相信粉絲都同華仔一樣安心了。
華仔1月在泰國拍廣告墮馬受傷造成盆骨骨折、筋腱肌肉拉傷，年底的香港演唱會被逼取消，幸好華仔康復比想像中快，希望佢早日健健康康再出嚟見粉絲啦！
劉德華和舒淇主演，馮德倫執導的《俠盜聯盟》將於8月上映。