麥紫莉拍av原來又係吹？ 下月出發但又未落實：公司處理緊！
撰文：溫菁莉
出版：更新：
近日因下月去日本拍AV而聲明大噪的麥紫莉(Chili)風頭算是一時無兩，今午Chili就與林雅詩及曹思詩就到深水埗為即將推出的寫真集做勢，為了避免有狂迷埋身，大會更安排兩名外籍保鑣保護Chili，真係好誇張！下個月就要出發到日本嘅Chili表示壓力唔太大，亦都唔怕被外界標籤，「可能會標籤我同佢嘅價值觀唔同，佢地有佢地言論自由，如果要講我ok嘅。」
麥紫莉今午現身深水埗出席Bubble寫真祭活動。(黃國立攝)
+1
為了避免有狂迷埋身，大會仲出動兩名外籍保鑣，保護Chili，好大陣仗！(黃國立攝)
Chili透露屋企人已經知道她即將要到日本拍AV，問到會否介意外界對自己嘅看法？她指，「唔太理外界嘅評論，我都唔係好在意。」至於現時的感情狀態，她直言是單身，「我都揾緊，身邊都有追求者，但一切睇定啲先囉。(要有咩條件？)最緊要老實，對我同我屋企人好。」
講到日前有AV界分析權威「一劍浣春秋」專頁指，今次Chili嘅日本之旅因工作簽證問題令拍攝可能性不大，她聞言後亦猶疑了一陣才回答，「我諗嗰問題應該不大，唔會發生。」佢仲話宜家嘅心情一切已經ready好，又透露自己亦有學日文，咁同日方經理人會見未？Chili表示全部交由公司處理，並表示好開心同感激公司可以為她提出一部20萬嘅酬勞。
Chili仲化身店長賣月刊俾fans，你睇下啲fans反應！(黃國立攝)