【洛克風球】吳若希唔想返TVB　fb怨氣好重：游緊水先落波！

天文台今日早上三號八號波連環炮發，過了幾個鐘又取消八號，的確是玩死不少打工仔。其實見個天風和日麗，好多人今朝都無理個風球出去玩，藝人吳若希(Jinny)就是其中一個。見她Facebook上寫著：「食屎啦天文台！我游緊水你先話停八號？！」，看來應該是見打風應該不用返TVB，所以就去游游水放鬆一下，怎知道天文台說時遲那時快就已經將風球取消，好掃興！

隔了一個鐘她又再留言說：「好日唔返工，返親公司唔係黃雨紅雨就係八號！我諗個天都唔想我返工，我諗我真係可以諗下以後唔返工。」雖然這句說話看似是埋怨天氣，不過從最尾那句看得出，可能Jinny係認真講笑話。眾所周知她自從大肚之後生了一個得意B囡之後，就全程做24孝媽媽陪著女兒長大，將時間都奉獻給女兒，連她自己都說「好日唔返工」。其實Jinny已經好耐無出鏡，如果TVB肯放棄合約，分分鐘息影都不出奇。