溫碧霞分居4個月突然復合 老公赴美箍煲賀妻生日

撰文:何志衡
出版:更新:
分居4個月之後,溫碧霞同老公終於復合。
星期日係溫碧霞51歲生日,老公何祖光專程飛到美國同老婆慶祝,一齊切蛋糕。

昨日51歲生日嘅溫碧霞,早幾日就去咗美國旅行,並喺微博透露:「一段婚姻關係的變化不一定代表二人的感情破裂……多謝大家關心。」而連日來都只見到佢一個人嘅照片,好似呢個生日好孤單咁。

溫碧霞喺微博貼咗多張全家福,成個人開心晒。

但原來佢老公何祖光喺佢生日當日已經飛咗去美國箍煲,Irene喺微博貼咗好多相片,見到何祖光同養子一齊陪佢切蛋糕,仲有幾張3人全家福添!Irene笑容滿面終於開心番晒,佢留言同老公講:「謝謝你這些日子裡帶給我的快樂和幸福,我們一起笑過哭過以後,原來愛已經成為了我的習慣,Ps謝謝你包容我的一切任性和自我,love u always」終於雨過天清,呢個應該係Irene最好嘅生日禮物喇!

溫碧霞上星期已飛咗去美國散心,當時佢只貼獨照。