【同盟】胡定欣陳展鵬再做歡喜冤家 大玩密室MMA
撰文：溫菁莉
出版：更新：
由胡定欣同陳展鵬主演的TVB劇集《同盟》，距離播出時間雖然還有一個星期，上星期已開始密密做宣傳，幾乎每天TVB的官方Facebook都上載劇集預告。今日下午他們就播出定欣同陳展鵬大玩密室格鬥，片段中定欣就向陳展鵬撒嬌，點知對方唔受之餘，仲要即刻進行MMA，場面都幾好笑。不禁令人回想起去年定欣在《城寨英雄》中的經典打鬥場面！！
大家見到定欣咁打得，唔好叫佢刁蘭喇，因為佢係《同盟》入面叫阮清欣。
去年《城寨英雄》中胡定欣飾演嘅刁蘭，形象簡直係深入民心！！
今次在《同盟》中定欣同陳展鵬在劇中與《城寨英雄》一樣原是做對歡喜冤家，其後因為打出愛火花就成為情侶。《同盟》的監製文偉鴻去年接受專訪時曾講過，今次劇集中男女主角有大量打戲之餘，仲要接受槍械及搏擊術的動作。睇返今次劇集播出的預告片，似乎兩位的打戲戲份真係多過去年嘅《城寨英雄》，對他們來說應該都係easy-job。而定欣今次亦非常唔錫身，全部都是親身上陣，而且《同盟》都是今年TVB重頭劇之一，相信年尾的台慶頒獎禮，定欣分分鐘可以再次冧莊做視后！！
當然不得不提去年由他們主唱的《城寨英雄》中的插曲《從未知道你最好》可以話係唱到街知巷聞，但今次《同盟》中就只有陳展鵬唱主題曲《一觸即發》，並無插曲。好喇..各位想聽佢地合唱嘅話，就要聽返《從未知道你最好》重溫下先!!