「億萬駙馬」伍富橋太太梁兆楹（Shirley）今日（4日）出席HOY TV節目「開飯啦」探班活動，並透露特別為七仙羽（七師傅）下廚，提供素肉佳餚。她接受訪問時表示：「可以上節目係我嘅榮幸，我有陣時喺IG分享煮吓嘢食，都係一啲新嘗試，我都可以做到其他嘢。」被問到是否廚藝高手，她坦言：「高手就一定唔係，有好多專業嘅前輩，我係偏向懶同埋快。」她透露當年在外國讀書的時候已經在思考怎樣下廚煮美食佳餚。

講到過往曾經為老公伍富橋煮過什麼美食佳餚，她表示：「佢食嘢都好簡單，都係雞胸同埋魚，冇乜特別佢乜都食。」她強調下廚的時候並不會讓任何人進入廚房干擾。至於老公曾否趁着她下廚期間從後擁抱，她直言：「冇架！」談及今次上節目的時候老公會否送上一些意見，她表示：「佢對我好有信心已經返咗去瞓覺。」她坦言今次拍攝也有少點緊張，害怕會拖慢節目組進度。她透露若果有其他節目邀請，也會願意接受挑戰和嘗試。