莊子璇（Hilary）和胡美貽（Nicole）今日（16/1）現身電視城出席無綫賀年節目《2025風生水起》記者會。Nicole接受《香港01》訪問時表示：「做呢個節目就梗係借機問李丞責麥玲玲師傅指點迷津，師傅都帶話我呢幾年姻緣桃花都幾好。（好多人追？）咁又真係冇喎。因為我少出街。（網上都可以識㗎！）嗰啲係網上詐騙，我身邊係有朋友個媽咪就中咗情騙，對方每日對佢噓寒問暖，最終被人呃咗80萬，仲要飛到去英國搵嗰個人，到最終嗰個人梗係冇出現啦。但佢依然都唔相信係詐，佢仲以為自己失戀，但我個朋友梗係知詐騙，然後報警，但警方最後都係話好難捉人。（佢醒覺未？）冇呀，佢依然搵緊下一個戀情，我就叫我朋友快啲收咗佢媽咪部電話佢。」

Hilary講到姻緣運，師傅直指她生肖屬馬下年行正桃花，會比較多姻緣，而且速來速去：「其實我又唔係好鍾意呢啲，因為我拍拖係想長長久久，咁所以寧願唔要。同埋師傅又話我好容易俾人橫刀奪愛。我聽到師傅咁講，我梗係驚。咁所以我都係專注喺事業度。」