林盛斌（阿Bob)今日（21/1）現身電視城出席《乙已年吉星高照年初一》節目錄影。阿Bob接受《香港01》訪問時透露近日忙於家居清潔「大掃除」，來一個斷捨離：「好記得有一年要清理一啲唔要嘅嘢，本身我老婆已經唔鍾意我儲埋啲碟同埋一啲玩具，又或者一啲書咁，嗰年佢話要抌，我哋就因為咁鬧交，差啲搞到家變。（你老婆係咪發現咗一啲奇趣嘅玩具？）其實嗰啲玩具唔係只係我玩㗎，我係同佢一齊玩，哈哈！因為有一段時間我係有好多魔術嘅玩具，都擺咗喺度成十幾年都冇郁過，變咗我老婆就話掉咗佢，加上本身我老婆都識風水，佢話唔送舊迎新，你又點可以有新嘅嘢呢。咁我又聽佢講嘅，之後又真係幾順利，咁所以提提大家，如果屋企有啲過期而且又舊嘅嘢，試吓抌咗佢，可能為你帶來好運。」